قازاقستاندىق تەننيسشى زارينا دياس گونكونگتاعى ITF ءتۋرنيرىنىڭ فينالىنا شىقتى.
الەمنىڭ 77-راكەتكاسى ز.دياس جارتىلاي فينالدا رەيتينگتە 157-ورىندا تۇرعان امەريكالىق ساچيا ۆيكەريمەن شەبەرلىك بايقاستى. قازاقستاندىق سپورتشى قارسىلاسىن 6:3, 6:2 ەسەبىمەن تىزە بۇكتىردى. بۇعان دەيىن ولار ءوزارا ەكى مارتە كەزدەسىپ, ەسەپ 1:1 بولعان ەدى. ەندى زارينا 2:1 ەسەبىمەن العا شىقتى.
جۇلدە قورى 25 مىڭ اقش دوللارىنا باعالانعان جارىستىڭ فينالىندا ز.دياس الەمنىڭ 72-ءىنشى, وسى ءتۋرنيردىڭ 1-راكەتكاسى, قىتايلىق چجۋ لين نەمەسە رەيتينگتە 251-ساتىداعى فرانتسيالىق حارموني تاننىڭ بىرەۋىمەن كەزدەسەدى.
ەسكە سالا كەتەيىك, بۇدان بۇرىن ز.دياستىڭ گونكونگتاعى ءتۋرنيردىڭ جارتىلاي فينالىنا شىققانىن, ال يۋليا پۋتينتسەۆانىڭ جىلدىڭ بەتاشار ماتچىن بريسبەندە وتكىزەتىنىن جازعان بولاتىنبىز.