قازاقتىڭ تۇڭعىش عارىشكەرى – قازاقستاننىڭ حالىق قاھارمانى, كەڭەس وداعىنىڭ باتىرى, كسرو-نىڭ ەڭبەگى سىڭگەن ۇشقىش-سىناقشىسى, اۆياتسيا گەنەرال-مايورى توقتار اۋباكىروۆ الماتى ماڭىنا قۇلاعان Bek Air كومپانياسى ۇشاعىندا قازا تاپقان قازاقستاننىڭ گەنەرالدار كەڭەسىنىڭ توراعاسى رۇستەم ەسىمحان ۇلى قايداروۆتىڭ وتباسىنا, ۇشاق اپاتىنان كوز جۇمعان باسقا دا مارقۇمداردىڭ وتباسىلارىنىڭ قايعىسىنا ورتاقتاسىپ, كوڭىل ايتتى.
«جىل اياقتالار تۇستا قابىرعامىزعا قاتتى باتقان قايعىلى وقيعا ءبىزدىڭ عانا ەمەس كۇللى الەم جۇرتشىلىعىنىڭ نازارىن وزىنە اۋداردى. گەنەرال قايداروۆ قۇقىق قورعاۋ سالاسىنىڭ عانا بىلگىرى ەمەس, ەلىمىزدىڭ شىنايى پاتريوتى رەتىندە تاۋەلسىز ەلىمىزدەگى بارلىق سالالىق گەنەرالداردىڭ باسىن قوسىپ, ولاردىڭ تاجىريبەسىن كەيىنگى ۇرپاققا ۇيرەتۋشى ۇستاز ەدى. اپاتقا ۇشىراعانداردىڭ بارشا جاقىندارى مەن تۋىستارىنا سابىر تىلەيمىن», دەلىنگەن حابارلامادا.