كەلەسى جىلدىڭ باسىندا باستالاتىن تەننيسشىلەر اراسىنداعى اۆستراليانىڭ اشىق بىرىنشىلىگىنىڭ جۇلدە قورى كوبەيىپ, 71 ميلليون دوللاردى قۇرايدى.
«ۇلكەن دۋىلعا» ساناتىنداعى ايتۋلى جارىستىڭ تۇساۋى سوناۋ 1905 جىلى كەسىلدى. بۇرىندارى ول اۆستراليانىڭ ءتۇرلى قالالاردا ۇيىمداستىرىلسا, سوڭعى جارتى عاسىردان اسا ۋاقىتتا مەلبۋرندا وتۋدە.
بيىلعى تۋرنيردە ەرلەر اراسىندا سەربيانىڭ ساڭلاعى نوۆاك دجوكوۆيچ دارا شىقتى. فينالدا ول يسپانيالىق رافاەل نادالدان باسىم ءتۇستى.
ايەلدەر سايىسىندا جاپونيالىق ناومي وساكا وزدى. اقتىق سىندا ول چەحيالىق پەترا كۆيتوۆانى قاپى قالدىردى.