«اتامەكەن» وڭىرلىك كاسىپكەرلەر پالاتاسىنىڭ مالىمەتىنشە, جالپى, ەلىمىزدە كاسىپكەرلىكتى دامىتۋ ءۇشىن ءوز ءىسىن باستايتىن ادامدار ارنايى كۋرستان ءوتىپ, پايىزدىق مولشەرلەمەسى از نەسيەلەر مەن قايتارىمسىز قارجى الۋعا مۇمكىندىك بار.
بۇل ءۇشىن «باستاۋ» جوباسى جۇمىس جاساۋدا. وسى باعىت «ەڭبەك» ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسىنىڭ ەكىنشى باعىتى.
ياعني, قايتارىمسىز نەگىزدە تۇرعىندار كۋرستان وتەدى. سەرتيفيكات بەرىلەدى. بۇل مۇمكىندىكتەردى بيىل وبلىسىمىز بويىنشا 2545 ادام پايدالانىپ, كاسىپكەرلىك ءبىلىمىن جەتىلدىردى.
بيىل «جاستار جىلىندا» «جاس كاسىپكەر» جوباسىمەن 800 ادام ءبىلىم الدى. ولاردىڭ 298 جوبا يەسى جالپى قۇنى 95,7 ميلليون. تەڭگە كولەمىندە پايىزدىق مولشەرلەمەسى تومەن نەسيە الىپ, ءىسىن باستادى.
ال, «جاس كاسىپكەر» ارقىلى وقىعاندار دا گرانت الدى. ولارعا 140 ميلليون تەڭگە كولەمىندە گرانت بەرىلگەن.
قىزدار تىرناق ارلەۋ, ۆيزاجيست, شاشتاراز, تىگىنشىلىك باعىتتارىنا باسىمدىق بەرسە, جىگىتتەر اۆتوشەبەرحانا, ۇيالى تەلەفون جوندەۋ ورىندارىن اشۋدا.
اۋىلداردا مال شارۋاشىلىعىن دامىتۋعا ۇلەس قوسقىسى كەلەتىندەر بار. شارباقتى اۋدانىندا تۇرعىندار وقىعاننان كەيىن جەڭىلدىكتى نەسيە الىپ, بيزنەس باستاعاندار از ەمەس. ماي اۋدانىندا مال باسىن كوبەيتۋگە كوڭىل بولۋدە.