فۋتبولدان قازاقستان قۇراماسى 2020 جىلدىڭ ناۋرىز ايىندا الماتىدا ارمەنيا قۇراماسىمەن جولداستىق ماتچ وتكىزەدى. بۇل تۋرالى قازاقستان فۋتبول فەدەراتسياسىنىڭ ءباسپاسوز قىزمەتى حابارلادى.
ۇلتتىق قۇراما 2020 جىلدىڭ 23-30 ناۋرىزىندا تالعاردا وقۋ-جاتتىعۋ جيىنىن وتكىزەدى. جيىن اياسىندا ەكى جولداستىق ويىن وتكىزۋ جوسپارلانعان – 27 جانە 30 ناۋرىز كۇندەرى. العاشقى قارسىلاس – ارمەنيا قۇراماسى. ويىن 30 كۇنى الماتى قالاسىندا وتەدى. ەكىنشى قارسىلاس كەيىن بەلگىلى بولادى.
بۇگىنگە دەيىن قازاقستان مەن ارمەنيا قۇرامالارى جاسىل الاڭدا 7 رەت كەزدەسكەن. جەرلەستەرىمىز ءبىر ويىندا عانا جەڭىسكە جەتسە, ارمەنيا ءتورت ماتچتا باسىم تۇسكەن. ال ەكى كەزدەسۋ تەڭ اياقتالعان. قازىرگى تاڭدا ارمەنيا فيفا رەيتينگىندە 102-ورىندا تۇر.