قازاقستان رەسپۋبليكاسى ۇكىمەتىنىڭ قاۋلىسىمەن يندۋستريا جانە ينفراقۇرىلىمدىق دامۋ ۆيتسە-ءمينيسترى لاۋازىمىنا رۋسلان نۇراش ۇلى بايميشەۆ تاعايىندالدى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.
رۋسلان بايميشەۆ 1980 جىلى الماتى قالاسىندا دۇنيەگە كەلگەن. «فەميدا» زاڭ اكادەمياسىن «زاڭگەر» ماماندىعى بويىنشا, قازاق ۇلتتىق تەحنيكالىق ۋنيۆەرسيتەتىن «گەولوگيا جانە پايدالى قازبالار كەن ورىندارىن بارلاۋ باكالاۆرى» ماماندىعى بويىنشا تامامداعان.
2008-2013 جىلدارى گەولوگيا جانە جەر قويناۋىن پايدالانۋ كوميتەتىنىڭ «قازگەوينفورم» رەسپۋبليكالىق گەولوگيالىق اقپارات ورتالىعىندا ءتۇرلى قىزمەتتەردى اتقاردى. 2013-2016 جىلدارى اتالعان ورتالىققا جەتەكشىلىك ەتتى.
2016 جىلدان بۇگىنگە دەيىن قازاقساتن رەسپۋبليكاسى يندۋستريا جانە ينفراقۇرىلىمدىق دامۋ مينيسترلىگىنىڭ جەر قويناۋىن پايدالانۋ دەپارتامەنتىنىڭ ديرەكتورى لاۋازىمىن اتقارىپ كەلدى.