بۇگىن تاراز قالاسىنداعى «اراي پلازا» بيزنەس ورتالىعىندا بالالارعا ارنالعان قازاقستان رەسپۋبليكاسى پرەزيدەنتىنىڭ ء«بىز – ەلىمىزدىڭ جارقىن بولاشاعىمىز!» اتتى جاڭا جىلدىق شىرشاسى ءوتتى. مەملەكەت باسشىسىنىڭ مەرەكەلىك شىرشاسىنا جامبىل وبلىسىنىڭ اكىمى اسقار مىرزاحمەتوۆ قاتىستى.
ايتۋلى مەرەكەلىك دۋمانعا جامبىل وڭىرىندە تۇراتىن 9-13 جاس ارالىعىنداعى 200 بالا شاقىرتۋ الىپتى. ولاردىڭ ىشىندەگى 63 بالا جەتىم جانە اتا-اناسىنىڭ قامقورلىعىنسىز قالعان بولسا, 68-ءى كوپبالالى, ال 61 ءبۇلدىرشىن از قامتىلعان وتباسىلارىنان شىققان.
پرەزيدەنت شىرشاسىنا قاتىسقان اسقار مىرزاحمەتوۆ بالالارعا ءوزىنىڭ يگى تىلەگىن جەتكىزىپ, ولاردى كەلە جاتقان جاڭا جىل مەرەكەسىمەن قۇتتىقتادى. ال, مەرەكەلىك شاراعا قاتىسۋشى بالالار وزدەرىنىڭ ونەرلەرىن ورتاعا سالىپ, كوپشىلىك كوزايىمىنا اينالدى. ارنايى دايىندالعان كونتسەرتتىك باعدارلاما بارىسىندا اياز اتا مەن اقشاقار جانە ءتۇرلى جاڭا جىلدىق كەيىپكەرلەر بالالارعا قىزىقتى ويىندار ويناتىپ, قاتىسۋشىلارعا تاماشا كوڭىل-كۇي سىيلادى. شارا سوڭىندا قاتىسۋشى بالالارعا سىيلىقتار مەن اقشالاي سەرتيفيكاتتار تابىستالدى.