قاسىم-جومارت توقاەۆ ەمومالي راحمونعا قازاقستان تاۋەلسىزدىگىنىڭ 28 جىلدىعىمەن قۇتتىقتاعانى ءۇشىن ريزاشىلىعىن ءبىلدىردى. بۇل تۋرالى اقوردانىڭ ءباسپاسوز قىزمەتى حابارلادى.
اڭگىمەلەسۋ بارىسىندا قازاقستان مەن تاجىكستان پرەزيدەنتتەرى بارلىق سالا بويىنشا ەكىجاقتى قاتىناستاردىڭ قارقىندى دامىپ كەلە جاتقانىن ەرەكشە اتاپ ءوتتى. مەملەكەت باسشىسى ەكى ەلدىڭ حالىقارالىق ارەنادا سىندارلى ىقپالداستىق ورناتقانىن ايتتى.
مەملەكەتتەر باسشىلارى ءوزارا ىنتىماقتاستىقتى ودان ءارى نىعايتۋ پەرسپەكتيۆالارىن تالقىلاي وتىرىپ, 2020 جىلى قازاقستان استاناسىندا كەزدەسۋگە ۋاعدالاستى.