الماتى وبلىسىنىڭ الاكول اۋدانى وڭىردەگى ءتۋريزمنىڭ وتانى عانا ەمەس, ەڭبەگى ەسەلەنگەن ديقان مەن شارۋانىڭ مەكەنى. وتكەن 11 اي ارالىعىندا اۋداندا وندىرىلگەن اۋىل شارۋاشىلىعى ونىمدەرىنىڭ قۇنى 39 ملرد 50 ملن تەڭگەدەن استى. جىل سوڭىنا دەيىن بۇل كورسەتكىش 41,1 ملرد تەڭگەگە جەتپەك.
اۋدان ەكونوميكاسىنىڭ تاعى ءبىر ارقا سۇيەرى شاعىن جانە ورتا كاسىپكەرلىك بولىپ وتىر. بيىل ونىڭ جەرگىلىكتى بيۋدجەتتەگى ۇلەسى 52,4 پروتسەنتكە جەتتى. ال جەرگىلىكتى 4 ملرد تەڭگەنىڭ شاماسىندا قۇرالادى ەكەن. جوسپار بويىنشا جىل اياعىنا دەيىن بارلىق بيۋدجەت كولەمى بىلتىرعىمەن سالىستىرعاندا 10 پروتسەنتكە ءوسىپ, جالپى سوما 6 ملرد 308 ملن تەڭگەگە ورىندالادى.
- اۋداننىڭ ونەركاسىپ سالاسىنداعى ون ءبىر ايلىق ءوسىم 8 ملرد 613 ملن تەڭگەنىڭ ءونىمى ءوندىرىلدى. ياعني, زاتتاي كولەم يندەكسى 103,9 پروتسەنتتى قۇرادى. بۇيىرسا, جىل اياعىنا دەيىن ءوندىرىستىڭ تابىسىن 10 ملرد 720 ملن تەڭگەگە ورىنداپ, زاتتاي كولەم يندەكسى 103,5 پروتسەنتكە جەتەدى دەپ وتىرمىز. اۋدان ەكونوميكاسىنا نەگىزگى ءتۇسىم اكەلىپ وتىرعان باعىتتارىنىڭ ءبىرى تۋريزم سالاسى ەكەنىن ماقتانىشپەن ايتامىز. بۇل – ءبىزدىڭ عانا ەمەس, ەلىمىزدىڭ جەتىستىگى. مەملەكەت ءتۋريزمدى دامىتۋعا ەرەكشە كوڭىل ءبولىپ وتىر. ءبىز ءۇشىن ءوڭىردى دامىتۋ – الەمدىك باسەكەگە قابىلەتتى كەڭىستىككە ەنۋدىڭ جولى. ال الاكول دەمالىس ايماعىندا كۇنىنە 23714 تۋريستكە قىزمەت كورسەتەتىن 244 دەمالىس ورىنى جۇمىس ىستەيدى, - دەيدى الاكول اۋدانىنىڭ اكىمى الىبەك جاقانباەۆ.
الماتى وبلىسى