اقتاۋدا ماڭعىستاۋ وبلىسىنىڭ جاستار رەسۋرستىق ورتالىعىنىڭ ۇيىمداستىرۋىمەن ءداستۇرلى «جاس تۇلپار-2019» وبلىستىق جاستار پرەمياسىن تابىستاۋ شاراسى ءوتتى دەپ حابارلادى ماڭعىستاۋ وبلىستىق «وڭىرلىك كوممۋنيكاتسيالار قىزمەتى».
وڭىردەگى مەملەكەتتىك جاستار ساياساتى سالاسىنىڭ دامۋىنا ۇلەس قوسىپ, ءسانتۇرلى سالانىڭ تىزگىنىن ۇستاعان جاستاردى ىنتالاندىرۋ ماقساتىندا وتكەن سالتاناتتى جيىنعا قازاقستان رەسپۋبليكاسى پرەمەر-ءمينيسترىنىڭ ورىنباسارى بەردىبەك ساپارباەۆ قاتىستى.
سالتاناتتى شارا بارىسىندا قازاقستان رەسپۋبليكاسى پرەمەر-ءمينيسترىنىڭ ورىنباسارى بەردىبەك ساپارباەۆ جاستارعا ارنالعان مەملەكەتتىك باعدارلامالاردىڭ تيىمدىلىگىن ءسوز ەتە وتىرىپ, ماڭعىستاۋلىق جاستارعا ىستىق ىقىلاسىن جەتكىزدى. ۇزدىك جاستارعا ءداستۇرلى «جاس تۇلپار-2019» ماڭعىستاۋ وبلىستىق جاستار پرەمياسىن تابىس ەتتى.
«ماڭعىستاۋ ماقتانىشى» ارنايى نوميناتسياسىمەن قازاق ەستراداسىنىڭ جاس ءانشىسى, «قازاقستان داۋىسى» جوباسىنىڭ جەڭىمپازى ب.رەتباەۆ, كومپوزيتور ا.قۇرمانوۆ, ءداستۇرلى ءانشى ن.اسقانوۆ, سونىمەن قاتار «بورانقۇل» جايدارمان توبى جانە «وزەنمۇنايگاز» قۇراماسى ماراپاتتالدى.
«جومارت جۇرەك» نوميناتسياسىنا قاتەرلى ىسىك اۋرۋىنا شالدىققان بالالارعا ارنالعان قايىرىمدىلىق شارالارىن ۇيىمداستىرۋشى ەرلان ەرۋباەۆ, «بەيبىت كەزەڭ باتىرى»نوميناتسياسىنا اقتاۋ قالاسىندا 10 قاباتتان سەكىرمەكشى بولعان ايەل ادامدى, سونىمەن قوسا كاسپي تەڭىزىنە باتىپ بارا جاتقان جاسقىزدى قۇتقارىپ, جاقىندارىمەن قايتا قاۋىشۋىنا ۇلەس قوسقانتيمۋر جۇماليەۆ لايىق دەپ تانىلدى.
«جاس تۇلپار-2019» ماڭعىستاۋ وبلىستىق جاستار پرەمياسىنىڭ كونكۋرستىق كوميسسياسىنىڭ شەشىمىمەن:
«ۇزدىك جاس سپورتشى» نوميناتسياسى جۇباتقان نۇرسۇلتان ماناربەك ۇلىنا, «مۇناي سالاسىنىڭ ۇزدىك جاس مامانى» نوميناتسياسى ەششانوۆ ەربولات مىرزاگەلدى ۇلىنا, «ۇزدىك جاس جۋرناليست» نوميناتسياسى مەرەكە ۇسەمباي ۇلى مۋساەۆقا,«ۇزدىك ۆولونتەر» نوميناتسياسى تايجانوۆ نۇرلىعاسىر جاناباي ۇلىنا, «جاس اقىن» نوميناتسياسى دۇيسەنوۆ ەدىلبەك مەدەت ۇلىنا, «جاس دارىن» نوميناتسياسى ماسجانوۆ سەرىجان سەرىك ۇلىنا,«جاس ونەرتاپقىش» نوميناتسياسى قۋانوۆا اينۇر ايساقىزىنا, «جاس كوشباسشى» نوميناتسياسى قۇرمانعاليەۆ عاني داۋلەتكەرەي ۇلىنا بەرىلدى.
وڭىردە «جاس تۇلپار» ماڭعىستاۋ وبلىستىق جاستار پرەمياسىن تابىستاۋ شاراسى 2010 جىلدان بەرى ءداستۇرلى تۇردە ۇيىمداستىرىلىپ كەلەدى.