سوڭعى كۇندەرى عانا وبلىس اۋماعىندا 9 ءورت شىعۋ فاكتىسى تىركەلىپ, 1 ادام مەرت بولىپ, 1 ادامدى اۋىر كۇيىك شالعان.
ءورتتىڭ 3-ەۋى پەتروپاۆل قالاسىندا , قالعاندارى اۋدانداردا ورىن العان. مۇسىرەپوۆ اۋدانىندا جەڭىل اۆتوكولىك قىزىل جالىنعا ورانسا, مامليۋت اۋدانىندا مونشا تۇگى قالماي جانىپ كەتكەن. ال وبلىس ورتالىعىنىڭ جۇمىسشى كەنتىندە ورنالاسقان 8 مارت كوشەسىندەگى ۇيلەردىڭ بىرىندە ەلەكترسىمدارىنىڭ قىسقا تۇيىقتالۋ سالدارىنان ءورت شىققان. سالدارىنان 80 جاستاعى قاريا كوز جۇمسا, ۇلى اۋىر جاراقاتتارمەن اۋرۋحاناعا جەتكىزىلگەن.
«پەتروپاۆل قالاسىندا كوپ قاباتتى وتباسىلىق جاتاقحانا ورتەندى. ابىروي بولعاندا زارداپ شەككەندەر جوق. 10 ادام قۇتقارىلىپ, 50 تۇرعىن قاۋىپسىز جەرگە شىعارىلدى. ادامدار قاراپايىم قاۋىپسىزدىك ەرەجەلەرىن ساقتاي بەرمەگەندىكتەن وسىنداي وقىس وقيعالار ءجيى تۋىنداپ جاتادى», دەيدى توتەنشە جاعدايلار جونىندەگى دەپارتامەنتتىڭ باسقارما باسشىسى يگور بالەەۆ.