بۇل تۋرالى مادەنيەت جانە سپورت مينيسترلىگىنىڭ ءباسپاسوز قىزمەتى حابارلادى.
«22 جەلتوقساندا تاجىكستان استاناسى – دۋشانبە قالاسىنداعى كينو ۇيىندە («زەبۋننيسو» كينوتەاترى) قازاقستان رەسپۋبليكاسىنىڭ مادەنيەت جانە سپورت مينيسترلىگى تاپسىرىسى بويىنشا ش.ايمانوۆ اتىنداعى «قازاقفيلم» اق تۇسىرگەن «مۇزبالاق» تولىقمەتراجدى انيماتسيالىق ءفيلمى كورسەتىلەدى.
قازاقتىڭ عاسىرلار بويى قالىپتاسقان ساياتشىلىق مادەنيەتى تۋرالى سىر شەرتەتىن بۇل انيماتسيالىق تۋىندى بۇركىت پەن ادامنىڭ دوستىعى تۋرالى باياندايدى. ايتا كەتەيىك جەلتوقساننىڭ 2-5 كۇندەرى ارالىعىندا يزرايلدە وتكەن «NEAR NAZARETH FESTIVAL» فەستيۆالىندە «مۇزبالاق» ءفيلمى ۇزدىك انيماتسيالىق فيلم جۇلدەسىنە يە بولدى.
ءفيلمنىڭ رەجيسسەرلەرى –تۇردىبەك مايدان جانە تىلەك تولەۋعازى», دەلىنگەن حابارلامادا.