ەلوردا اكىمدىگىندە «قازاقستان رەسپۋبليكاسىنىڭ ءماسليحاتتارىنا 25 جىل» مەدالدارىمەن, قازاقستان رەسپۋبليكاسىنىڭ پرەزيدەنتىنىڭ, قازاقستان رەسپۋبليكاسىنىڭ پارلامەنتى سەناتى مەن قحا( قازاقستان حالقى اسسامبلەياسى) توراعاسىنىڭ العىس حاتتارىمەن دەپۋتاتتار مەن ءماسليحات دەپۋتاتتارى ماراپاتتالدى. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.
«قازىر VI شاقىرىلىم. VI شاقىرىلىم ۋاقىتىندا 347 سەسسيا مەن 2400-دەن استام سۇراقتار تالقىلاندى. بۇل تۇرعىندارعا تىكەلەي بايلانىستى ماسەلەلەر. ەگەر ءبىز ءومىر ءسۇرۋ ساپاسىنىڭ ارتۋى تۋرالى ايتاتىن بولساق, 1998 جىلى قازاقستاندىقتاردىڭ ورتاشا ءومىر ءسۇرۋ ۇزاقتىعى 65 جىل بولسا, قازىر 76 جاسقا دەيىن ءوسىم بايقالادى. بۇل ناقتى ناتيجە. ەگەر 10 جىل بۇرىن قالادا 605 مىڭ ادام تۇرسا, قازىر 1 ميلليون 200 مىڭ ادام تۇرىپ جاتىر. سايكەسىنشە, الەۋمەتتىك وبەكتىلەرگە جۇكتەمە وسۋدە, ولاردى شەشۋ ءۇشىن ءبىز بىرلەسە جۇمىس ىستەۋىمىز كەرەك. سىزدەردى ءماسليحاتتاردىڭ قۇرىلعانىنا 25 جىل تولۋىمەن قۇتتىقتايمىن. ءسىز ۇلكەن جانە جاۋاپتى جۇمىس اتقارىپ كەلەسىز», دەدى ەلوردا اكىمى ا. كولگىنوۆ.
سونىمەن قاتار كۇن تارتىبىندە قالانىڭ الەۋمەتتىك-ەكونوميكالىق دامۋى, الەۋمەتتىك سالا, ۇلەستىك قۇرىلىس, ءبىلىم بەرۋ جانە مەديتسينا ماسەلەلەرى قارالدى. سونداي-اق ەلدى-مەكەندەردى, جول ينفراقۇرىلىمىن, گازداندىرۋدى جانە ت. ب. دامىتۋ ماسەلەلەرى كوتەرىلدى.