تاۋەلسىزدىك مەرەكەسى قارساڭىندا الماتى قالاسىندا العاشقى توموسينتەز ورتالىعى اشىلدى. جاپونيادان جەتكەن وزىق ديگنوستيكالىق اپپارات – دەنساۋلىق سالاسىنداعى جاعىمدى وقيعا عانا ەمەس, الماتىنىڭ اينالاسىنداعى بۇكىل ءوڭتۇستىڭ وڭىرلەردىڭ تۇرعىندارىنا جاسالعان ۇلكەن سىي دەپ تە ايتۋعا بولادى.
بۇل جوبا قر دسم «قازاق ونكولوگيا جانە راديولوگيا عىلىمي-زەرتتەۋ ينستيتۋتىمەن (قازوجرعزي) بىرلەسىپ, مەملەكەتتىك-جەكەمەنشىك ارىپتەستىك ء(مجا) شەڭبەرىندە جۇزەگە اسىرىلادى.
Divera توموسينتەز جاڭا ورتالىعى ەڭ زاماناۋي Fujifilm Amulet Innovality اپپاراتىمەن جابدىقتالعان جانە قازىرگى ۋاقىتتا الماتى قالاسىندا جالعىز توموسينتەز بولىپ تابىلادى. ورتالىقتى قۇرۋ جانە ونى جابدىقتاۋ تولىعىمەن جەكە ينۆەستيتسيالار ەسەبىنەن جۇزەگە اسىرىلدى.
«توموسينتەز – ءسۇت بەزى وبىرىن دياگنوستيكالاۋدىڭ يننوۆاتسيالىق ءادىسى. قالىپتى 2D-مامموگرافيادان ايىرماشىلىعى, توموسينتەز ءار ءتۇرلى بۇرىشتاعى جۇقا قاباتتى سۋرەتتەردىڭ قاتارىن شىعارادى, بۇل ءسۇت بەزى وبىرىن ەرتە باستان اسا دالدىكپەن انىقتاۋعا جانە پاتسيەنتتەردىڭ ءومىرىن ساقتاۋعا مۇمكىندىك بەرەدى», – دەيدى «قازاق ونكولوگيا جانە راديولوگيا عىلىمي-زەرتتەۋ ينستيتۋتى» اق باسقارما ءتورايىمى, مەديتسينا عىلىمىنىڭ دوكتورى ديليارا قايداروۆا.
– قازاقستان رەسپۋبليكاسىنىڭ تاۋەلسىزدىك كۇنى قارساڭىندا ءبىزدىڭ كومپانيا الماتىداعى ونكولوگيا ورتالىعىمەن مەملەكەتتىك-جەكەمەنشىك ارىپتەستىك اياسىندا ۇلكەن جوبا باستادى. بۇل جوباعا ءبىز ينۆەستور رەتىندە 140 ميلليون تەڭگە قاراجات جۇمسادىق. باستى ماقسات – ءسۇت بەزى وبىرىن باستاپقى كەزەڭدە انىقتاپ, دەر كەزىندە, اسقىندىماي ەم جۇرگىزۋ. وزدەرىڭىزگە بەلگىلى, ەلىمىزدە ءسۇت بەزى وبىرى ايەلدەر اراسىندا ءبىرىنشى ورىندا تۇر.
بۇل اپپاراتتىڭ مامموگرافيادان ۇلكەن ارتىقشىلىعى – 1 مم ولشەمدە, ياعني ميليمەترلەپ ءسۇت بەزى وبىرىن انىقتايدى. جانە توموسينتەزگە ءتۇسىرىپ جاتقان كەزدە بيوپسيانى دا قوسا جۇرگىزە الامىز. بۇرىن مامموگراف ءسۇت بەزى وبىرىنىڭ بەلگىلەرى بولسا ناۋقاستىڭ بۇلشىق ەتىن الۋ ءۇشىن ەمحانالارعا, حيرۋرگكە جىبەرەتىن. ەندى قازىر قاجەت بولعان جاعدايدا دياگنوستيكامەن قوسا بيوپسيا دا قوسا جاسالادى.
ەڭ باستىسى, توموسينتەز – ونكولوگيا سالاسىنداعى ەڭ زامانۋي تەحنولوگيا. ءبىزدىڭ ەلىمىزدە 2017 جىلى بۇل اپپارات نۇر-سۇلتان قالاسىنا اكەلىنگەن. 1,5 جىلدان كەيىن ەكىنشى اپپارات الماتى قالاسىنا كەلدى. ويتكەنى, الماتى قالاسى مەن وبلىسىندا حالىق كوپ. جانە ب ۇل اپپاراتتىڭ ءبىر ارتىقشىلىعى – «تسيفرلى قازاقستان» جوباسىن دا العا جىلجىتادى. توموسينتەز سۋرەتتەرىن ەلەكتروندىق پوچتا ارقىلى كەز كەلگەن جاققا, ونكولوگ-دارىگەرلەردىڭ قاراۋىنا جىبەرە بەرۋگە بولادى, – دەيدى «Olymp Medical Group» جشس باس ديرەكتورى ەرجان سۇلەيمەنوۆ.
توموسينتەزدىڭ كومەگىمەن ءسۇت بەزى وبىرىن دياگنوستيكالاۋ ادىستەرى ەۋروپادا, اقش-تا, كورەيادا جانە جاپونيادا تابىستى قولدانىلادى.
ءسۇت بەزى وبىرى – الەمدە ەڭ كەڭ تاراعان قاتەرلى اۋرۋ جانە ايەلدەر اراسىنداعى ءولىم-ءجىتىمنىڭ باستى سەبەپشىسى بولىپ وتىر. قازاقستاندا ءسۇت بەزى وبىرى ايەلدەردىڭ ونكولوگيالىق اۋرۋشاڭدىعى قۇرىلىمىندا ءبىرىنشى ورىندا تۇر.
ىسىكالدى جانە ىسىك پاتولوگيالارىن ەرتە انىقتاۋعا باعىتتالعان جۇيەلى تۇردە جۇرگىزىلەتىن سكرينينگ, ەمدىك تاكتيكانى ۋاقتىلى دياگنوستيكالاۋ جانە ستاندارتتاۋ ەلىمىزدە ءسۇت بەزى وبىرىنان ءولىم-ءجىتىم دەڭگەيىن تومەندەتۋگە مۇمكىندىك بەرەدى.
الماتى