قوستاناي وبلىسىنداعى ءمامس جۇيەسىنىڭ دايىندىق جۇمىستارىنا اۋديت جۇرگىزىلدى

وڭىرلىك شتابتىڭ وتىرىسىندا ب.جاقسىلىقوۆا قوستانايلىقتاردى مەديتسينالىق ساقتاندىرۋ جۇيەسىمەن تولىق قامتۋ, مەديتسينالىق مەكەمەلەردىڭ  اقپاراتتىق جۇيەلەرىن ينتەگراتسيالاۋ, ءاربىر تۇرعىننىڭ ساقتاندىرۋ مارتەبەسىن انىقتاۋ ماسەلەلەرىنە ەرەكشە ءمان بەردى.

«وبلىس  تۇرعىندارىن ء مامس جۇيەسى جايلى حاباردار ەتۋ قاجەت. سونداي-اق جۇرتقا  جاپپاي  مەديتسينالىق كومەك كورسەتۋ ءۇشىن ءوزىن-ءوزى جۇمىسپەن قامتىعان جانە جۇمىسسىز ازاماتتاردى انىقتاۋ شارالارىن جالعاستىرۋ كەرەك. جانە مەديتسينا قىزمەتكەرلەرى مەن ەمحانالاردىڭ دايىندىعىن پىسىقتاۋ قاجەت», دەدى دەنساۋلىق ساقتاۋ مينيسترلىگىنىڭ جاۋاپتى حاتشىسى.

ب. جاقسىلىقوۆانىڭ ايتۋىنشا, الەۋمەتتىك مەديتسينالىق ساقتاندىرۋ جۇيەسى  ەنگىزىلگەن سوڭ, 2020 جىلدىڭ 1 قاڭتارىنان باستاپ رەسپۋبليكا بويىنشا مەديتسينالىق كومەككە بولىنەتىن قارجى كولەمى ءبىر جارىم ەسەگە ارتىپ, 1, 569 ملرد تەڭگەگە  جەتەدى.

«قالپىنا كەلتىرۋ ەمى مەن پاللياتيۆتىك كومەكتى قارجىلاندىرۋ كولەمى 9 ەسەگە, كونسۋلتاتسيالىق-دياگنوستيكالىق كومەك – 6,5 ەسەگە, ستاتسيوناردى الماستىراتىن كومەك – 2,3 ەسەگە وسەدى», دەدى جاۋاپتى حاتشى.

قور فيليالى باسشىسىنىڭ ايتۋىنشا,  2020 جىلى قوستاناي وبلىسىنداعى دەنساۋلىق ساقتاۋ سالاسىنا  50,7 ملرد تەڭگە بولىنەدى, بۇل 2019 جىلعى بيۋدجەتتەن سالىستىرعاندا 25 پايىزعا جوعارى. تمككك اياسىندا – 36,3 ملرد تەڭگە, ءمامس اياسىندا – 14,4 ملرد تەڭگە قارالعان.

ەلىمىزدە ازاماتتاردىڭ 95 پايىزى ءمامس جۇيەسى اياسىندا مەديتسينالىق كومەكپەن قامتاماسىز ەتىلەدى دەگەن بولجام بار.  

وڭىردە 89 دەنساۋلىق ساقتاۋ سۋبەكتىسى تىركەلگەن. 2019 جىلى قوستاناي وبلىسىنداعى ءمامس قورىنىڭ فيليالى تمكك اياسىندا قىزمەت كورسەتۋ ءۇشىن 61 مەديتسينالىق ۇيىممەن كەلىسىم  شارتقا وتىردى, ونىڭ 42-ءسى (69%) مەملەكەتتىك, 19-ى (31%) جەكە مەنشىك.

قوستاناي وبلىسىندا حالىقتىڭ  82%  ءمامس جۇيەسىندە شارتتى تۇردە ساقتاندىرىلعان. تۇرعىنداردىڭ 18 پايىزى نەمەس 156 مىڭ ادام  «شارتتى تۇردە ساقتاندىرىلماعان». بۇل ازاماتتار دەربەس تولەم جاساپ, ەمحانا, اۋرۋحانالاردا ورناتىلعان ارنايى تەرمينالدار ارقىلى قورعا اقشا اۋدارىپ,  مەديتسينالىق ساقتاندىرۋ جۇيەسى اياسىندا كومەك الا الادى.

وڭىردەگى ءمامس ەنگىزۋگە تەحنيكالىق دايىندىق جوعارى: مەديتسينالىق ۇيىمدارداعى جۇمىس ورىندارى كومپيۋتەرلىك تەحنيكامەن جابدىقتالعان, مەملەكەتتىك مەديتسينالىق ۇيىمداردا  اقپاراتتىق جۇيەلەر ەنگىزىلگەن. جەكە مەنشىك مەديتسينالىق مەكەمەلەر 100 پايىز  اقپاراتتىق جۇيەمەن قامتىلعان.

«باسەكەلەستىكتى ارتتىرىپ,  تەگىن مەديتسينالىق كومەكتىڭ كەپىلدىك بەرىلگەن كولەمى بويىنشا قىزمەت كورسەتۋگە جەكە مەنشىك كلينيكالاردى تارتۋ ارقىلى مەديتسينالىق كومەكتىڭ ساپاسى مەن قولجەتىمدىلىگىن جاقسارتۋدى جوسپارلاپ وتىرمىز», دەدى قور وكىلى.

وبلىستا مەديتسينالىق قىزمەت كورسەتۋگە ۇمىتكەر دەنساۋلىق ساقتاۋ سۋبەكتىلەرىنىڭ دەرەكتەر بازاسىندا 80 مەديتسينالىق مەكەمە بار. ونىڭ ىشىندە 48 مەملەكەتتىك, 32 جەكە مەنشىك. 61 مەديتسينالىق ۇيىممەن تەگىن مەديتسينالىق كومەكتىڭ كەپىلدىك بەرىلگەن كولەمى (تمككك)  بويىنشا قىزمەت كورسەتۋگە شارت جاسالدى.

ب. جاقسىلىقوۆانىڭ ايتۋىنشا, جىل سوڭىنا دەيىن مەديتسينالىق اقپاراتتىق جۇيەلەر قىزمەتتەردى بولەك ەسەپكە الۋ جانە الەۋمەتتىك مەديتسينالىق ساقتاندىرۋ قورىنان ساقتاندىرۋ مارتەبەسى بويىنشا اقپارات الۋعا تولىق دايىن بولۋى ءتيىس. ءمامس جۇيەسىنىن ەنگىزۋ ءۇشىن اقپاراتتىق جۇيەلەردىڭ جۇمىسى وتە ماڭىزدى.

ايتا كەتۋ كەرەك, كەلەسى جىلدىڭ العاشقى ءۇش ايىندا ەلىمىزدەگى  بارلىق ازامات شارتتى تۇردە ساقتاندىرىلادى. قازاقستاندىقتارعا, قانداستار مەن تۇرۋعا ىقتيارحاتى بار شەتەلدىكتەرگە تەگىن مەديتسينالىق كومەكتىڭ كەپىلدەندىرىلگەن پاكەتى ارقاشان قولجەتىمدى. 2020 جىلدان باستاپ ەلىمىزدە  تۇراقتى تۇراتىن ازاماتتىعى جوق تۇلعالارعا دا تەگىن مەديتسينالىق قىزمەتتەر قولجەتىمدى بولادى.

تمككك پاكەتىنە العاشقى, شۇعىل جانە جەدەل كومەك, بىرقاتار سوزىلمالى جانە الەۋمەتتىك ماڭىزى بار اۋرۋلاردى دياگنوستيكالاۋ مەن ەمدەۋ, ءدارى-دارمەكپەن قامتاماسىز ەتۋ كىرەدى. مەملەكەت جەڭىلدىك جاسالعان ساناتقا  كىرەتىن 10 ملن ازامات ء ۇشىن ءمامس جۇيەسىنە جارنا تولەيدى. ولاردىڭ قاتارىندا زەينەتكەرلەر, بالالار, ستۋدەنتتەر, جۇكتى ايەلدەر جانە بالا كۇتىمىنە بايلانىستى دەمالىستا جۇرگەندەر,  مۇگەدەك ادامعا قاراپ وتىرعان ازاماتتار جانە ت.ب. بار.