بتسسا (بالالار تسەرەبرال سال اۋرۋى) دەرتىنە شالدىققان بەس اتىراۋلىق بالاعا وتا جاسالۋىن جانە ولاردىڭ ءارى قاراي وڭالۋىن "ميلوسەرديە" قايىرىمدىلىق قورى ۇيىمداستىردى.
يزرايلدەن شاقىرىلعان نەيروحيرۋرگ الماتىداعى كلينيكالاردىڭ بىرىندە قازاقستاندىق ارىپتەستەرىنە شەبەرلىك سىنىبىن وتكىزدى. 8 بەن 15 جاس ارالىعىنداعى بالالاردىڭ ج ۇلىنىنا وتا جاسالدى. وتا بارىسىندا يزرايلدىك دارىگەردىڭ اسسيستەنتى – اتىراۋ وبلىستىق بالالار اۋرۋحاناسىنىڭ نەيروحيرۋرگى – اريپوۆ شاديور بولدى. ءار وتانىڭ ۇزاقتىعى سەگىز ساعاتقا دەيىن سوزىلدى.
- بارلىق وتالار ءساتتى ءوتتى. وتادان سوڭعى وڭالۋ جەتى كۇنگە سوزىلدى. 9 جەلتوقساندا ءبىز اتىراۋعا قايتتىق, - دەدى شاديور اريپوۆ.
بالالار وبلىستىق بالالار اۋرۋحاناسى بازاسىندا قالىپقا كەلۋ ەمى كەزەڭىنەن وتەتىن بولادى. جەرگىلىكتى دارىگەرلەرگە الماتىلىق ماماندار – "اردي" وڭالتۋ ورتالىعىنىڭ دارىگەرلەرى جاردەمدەسەدى. ولار وبلىستىق بالالار اۋرۋحاناسىنىڭ دارىگەرلەرىن بىرەگەي ەمدىك دەنەشىنىقتىرۋ ادىستەرىنە ۇيرەتەدى.
اتىراۋ