بەرليندە رەسمي ساپارمەن جۇرگەن قاسىم-جومارت توقاەۆ قاۋىپسىزدىك جونىندەگى ميۋنحەن كونفەرەنتسياسىنىڭ توراعاسى ۆولفگانگ يشينگەرمەن كەزدەسۋ وتكىزدى. بۇل تۋرالى اقوردانىڭ ءباسپاسوز قىزمەتى حابارلادى.
قازاقستان پرەزيدەنتى گەرمانيا باسشىلىعىمەن جۇرگىزىلگەن كەلىسسوزدەردىڭ ناتيجەلەرىنە توقتالىپ, قازاقستان نارىعىنا نەمىس بيزنەسىن, تەحنولوگياسى مەن ينۆەستيتسياسىن تارتۋدىڭ ماڭىزدىلىعى جونىندە ايتتى.
ۆولفگانگ يشينگەر كەلەسى جىلى وتەتىن كەزەكتى ميۋنحەن كونفەرەنتسياسىنا دايىندىق بارىسى تۋرالى مالىمەت بەرىپ, قازاقستان پرەزيدەنتىن اتالعان بەدەلدى جيىنعا قاتىسۋعا شاقىردى.
سونىمەن قاتار تاراپتار حالىقارالىق كۇن تارتىبىندەگى وزەكتى ماسەلەلەر جونىندە پىكىر الماستى.