كوكتەرەكتەگى بۇركىتشىلەر باسەكەسى

قانسوناردا بۇركىتشى شىعادى اڭعا,

تاستان تۇلكى تابىلار اڭدىعانعا.

جاقسى ات پەن تاتۋ جولداس ­– ءبىر عانيبەت.

ىڭعايلى ىقشام كيىم اڭشى ادامعا, – دەپ جىرلاعان ۇلى ابايدىڭ ءوزى دە ساياتشى­لىقتى جاقسى كورگەنى, قارا­شولاق, كوكشەگىر اتتى قۇستا­رى بولعانى بەلگىلى. وسى رەت­­تە ھاكىمنىڭ 175 جىلدىق مە­رەي­تويى قارساڭىندا ءۇر­جار اۋدانىنىڭ كوكتەرەك اۋىلىندا اۋداندىق قۇس­بە­گىلەر سايىسى ءوتتى. «بۇعان دەيىن اۋدانىمىزدا رەسپۋبلي­كا­لىق بۇركىتشىلەر باسەكەسىن وت­كىزگەنبىز. ال اۋداندىق قۇ­س­بەگىلەر بايقاۋىن ال­عاش­­­ رەت ۇيىمداستىرىپ وتىر­­­مىز. اۋداندىق دەنە­­­­شىنىقتىرۋ جانە سپورت ءبولى­­­مىنىڭ ۇيىم­داستىرۋىمەن, كوكتەرەك اۋىلدىق وكرۋگىنىڭ دەمەۋ­شىلىگىمەن وتكەن دودا­عا «قا­راگەر», «زاڭعار», «سار­­­با­لاق», «جەبە», «مۇز­­بالاق», «سامعار», «كوك­شى­بار», «اق­سۇڭقار», «اقجەل­كە»,­ «سارىشەگىر», «سار­تىر­نەك» اتتى 11 بۇركىت باپتا­رى مەن باق­تارىن سىناپ كور­دى. قۇسبەگىلەر كوكوزەك, قا­زىم­بەت, باقتى, كوكتەرەك جانە قاراتال اۋىلدارىنان كەلدى» دەيدى كوك­وزەك ور­تا مەكتەبىنىڭ دەنە تار­بيەسى ءپانىنىڭ مۇعالىمى, «شى­عىس التاي» بۇركىتشىلەر فەدە­راتسياسىنىڭ پرەزيدەنتى تاتتىمبەت كاپ ۇلى.

سونىمەن قۇستى قولعا شاقىرۋ, قۇستىڭ ەركىن ۇشۋى, بۇر­كىتتى شىرعاعا سالۋ, بۇر­كىتتى قويانعا سالۋ جانە بۇركىتى تۇلكىگە سالۋ سەكىلدى 5 كەزەڭنەن تۇر­عان سايىستا تاتتىمبەت كاپ­ ۇلىنىڭ «قاراگەر» اتتى بۇركىتى 3-ورىندى يەلەنسە, 1-2-ورىنداردى كوكتەرەك اۋى­­لىنىڭ قۇسبەگىسى نۇعىم ومىر­­بەكتىڭ «مۇزبالاق» جانە «سارتىرنەك» اتتى بۇركىتتەرى جەڭىپ الدى.

شىعىس قازاقستان وبلىسى,

ءۇرجار اۋدانى,

كوكتەرەك اۋىلى