اعىمداعى جىلدىڭ قىركۇيەك ايىنان باستاپ ءبىلىم جانە عىلىم مينيسترلىگىنىڭ «قارجى ورتالىعى» اق ءوز ونىمدەرىن اقپاراتتىق ىلگەرىلەتۋ اياسىندا «Road Show» فورماتىن پايدالانا باستادى. ايتا كەتۋ كەرەك, شەتەلدە بۇل ءتاسىل كومپانيا اكتسيالارىن باستاپقى جاريا ورنالاستىرۋ (IPO) كەزىندە ينۆەستيتسيالار تارتۋ ءۇشىن قولدانىلادى.
ستۋدەنتتىك جاتاقحانالار قۇرىلىسىنىڭ جاڭا تەتىگى ىسكە قوسىلعان ساتتەن باستاپ جەكە ينۆەستورلارمەن ءوزارا ءىس-قيمىل جاساۋ مىندەتى جاڭا اۋقىمعا يە بولدى. مەملەكەت ستۋدەنتتىك جاتاقحانالاردا جاڭا توسەك-ورىن ەنگىزۋ بويىنشا جوبالارعا كاسىپكەرلەردىڭ الەۋەتىن كەڭىنەن تارتۋعا نيەتتى.
الداعى ۋاقىتتا ستۋدەنتتەرگە ارنالعان ۋاقىتشا تۇرعىن ءۇي نارىعىندا جوو-مەن قاتار جەكە سەكتور رەتىندە جاڭا قاتىسۋشىلار پايدا بولادى دەپ كۇتىلۋدە. وسىعان سايكەس مەملەكەت ينۆەستور شىعىستارىنىڭ نەگىزگى بولىگىن وتەۋدى وزىنە الۋعا جانە بۇل رەتتە جاتاقحانانى ونىڭ مەنشىگىندە قالدىرۋعا دايىن, بۇل وسى بولجامدارعا ارنالعان ىنتالاندىرۋ شارالارىنىڭ نەگىزى بولىپ تابىلادى. ىنتىماقتاستىقتىڭ جالعىز شارتى – ەنگىزىلەتىن نىساننىڭ نىسانالى ماقساتىن وزگەرتۋگە شەكتەۋ قابىلداۋ. قاراپايىم سوزبەن ايتقاندا, ناقتى الەۋمەتتىك جاعدايدى قامتاماسىز ەتۋدە 20 جىل ىشىندە ەنگىزىلگەن جاتاقحانا ستۋدەنت جاستاردىڭ قاجەتتىلىگىن جابۋ ءۇشىن جۇمىس ىستەۋى ءتيىس.
قارجى ورتالىعى ايماق كاسىپكەرلەرىن وسى تەتىكتىڭ مۇمكىندىكتەرى تۋرالى اقپاراتتاندىرۋ ماقساتىندا «اتامەكەن» ۇلتتىق كاسىپكەرلەر پالاتاسىنىڭ جانە «دامۋ» كاسىپكەرلىكتى دامىتۋ قورىنىڭ قولداۋىمەن وڭىرلەردە «Road Show» اكتسياسىن وتكىزدى. فورماتتىڭ باستى ەرەكشەلىگى – ناقتى ينۆەستوردىڭ مۇددەلەرى مەن مۇمكىندىكتەرىن ەسكەرە وتىرىپ, جوبالارعا قاتىسۋ ءۇشىن اتاۋلى كەڭەس بەرۋ.
ءىس-شارامەن شىمكەنت, تۇركىستان, تاراز, اقتوبە, ورال, قوستاناي جانە پاۆلودار قالالارى قامتىلدى. وسى وڭىرلەردىڭ ارقايسىسىندا باق, وقۋ ورىندارى, قۇرىلىس كومپانيالارى مەن كوممەرتسيالىق قۇرىلىمدار وكىلدەرىنىڭ قاتىسۋىمەن ءىس-شارالار ۇيىمداستىرىلدى.
جالپى, اكتسيا قورىتىندىسى بويىنشا 6 جەكە كاسىپكەر جانە 1 جەكە جوو-مەن كەلىسىمشارتقا قول قويىلدى. قول جەتكىزىلگەن كەلىسىمدەر اياسىندا 2021 جىلدىڭ سوڭىنا دەيىن ستۋدەنتتەر ءۇشىن 2 مىڭ جاڭا توسەك-ورىن ەنگىزۋ جوسپارلانۋدا.
قارجى ورتالىعىنىڭ ونىمدەرىن «Road Show» فورماتىندا اقپاراتتىق ىلگەرىلەتۋ جونىندەگى جۇمىس كەلەسى جىلى جالعاساتىن بولادى. كەستە جانە وتكىزۋ ورىندارى تۋرالى اقپارات تەتىكتىڭ – studdom.kz پرومو-سايتىندا نەمەسە 8 800 080 28 28 تەلەفونى ارقىلى (قوڭىراۋ شالۋ تەگىن) قولجەتىمدى بولادى.
«قارجى ورتالىعى» اق
«الەۋمەتتىك ينۆەستيتسيالاردىڭ جاڭا فورماتى» باق ءۇشىن بريفينگ, تاراز قالاسى
وڭىرلىك كاسىپكەرلەر پالاتاسى الاڭىندا كاسىپكەرلەرمەن كەزدەسۋ, ورال قالاسى
«دامۋ» كاسىپكەرلىكتى دامىتۋ قورىنىڭ وڭىرلىك فيليالى الاڭىندا كوممەرتسيالىق بانك وكىلدەرىمەن كەزدەسۋ, اقتوبە قالاسى
وڭىرلىك كاسىپكەرلەر پالاتاسى الاڭىندا كاسىپكەرلەر جانە وقۋ ورىندارىمەن كەزدەسۋ,
قوستاناي قالاسى
«ەرتىس» تەلەارناسىندا ستۋدەنتتىك جاتاقحانالار سالۋ ماسەلەلەرىنە ارنالعان تەلەباعدارلاماعا قاتىسۋ, پاۆلودار قالاسى