SOS قازاقستان بالالار اۋىلدارىنا – شيرەك عاسىر

جيىنعا پرەمەر-ءمينيستردىڭ ورىنباسارى بەردىبەك ساپار­باەۆ قاتىسىپ, ۇكىمەتتىڭ اتىنان بالالار اۋىل­دارىنا نوۋتبۋكتار سىيلادى. سونداي-اق, بىرقاتار ازاماتقا پرەزيدەنت ق.توقاەۆ پەن پرەمەر-مينيستر ا.ءماميننىڭ العىس حاتتارىن تاپسىردى.

اتاپ ايتقاندا, «SOS قازاقستان بالالار اۋىلدارى» قورىنىڭ قۇرمەتتى پرەزيدەنتى سارا الپىسقىزى, SOS Children`s Villages International ديرەكتو­رىنىڭ ورىنباسارى توم مالۆەت جانە SOS بالالار اۋىلدارىنىڭ حالىقارالىق ايماقتىق وكىلى زدەنكو سەدلار مەملەكەت باسشىسى قاسىم-جومارت توقاەۆتىڭ العىس حاتىمەن ماراپاتتالسا, «SOS قازاقستاننىڭ بالالار اۋىلدارى» كق قامقورشىلىق كەڭەسىنىڭ ءتورايىمى دينارا ق ۇلىباەۆا, قور­دىڭ قامقورشىلىق كەڭەسىنىڭ مۇشە­لەرى  ايدىن راحىمباەۆ, نۇرلان سما­عۇ­لوۆ, اسەل تاسماعامبەتوۆالار پرەم­ەر-ءمينيستردىڭ العىس حاتىنا يە بولدى.

«بالالار­عا قامقورلىق جاساپ, كومەكتەسۋ – ءاربىر ادام­نىڭ ازاماتتىق بورىشى. 25 جىل بۇرىن قيىن-قىستاۋ كەزەڭدە سارا الپىس­قى­زىنىڭ باسشىلىعىمەن قازاقستاندا قور­عالعان اۋىلدار پايدا بولدى. وسى ۋا­قىت­تىڭ ىشىندە 500-گە جۋىق اتا-اناسىز قالعان بالالار وزدەرىنىڭ وتباسىن قۇ­رىپ, قازىر قازاقستاننىڭ تۇكپىر-تۇكپىرىندە ەڭبەك ەتىپ جاتىر. بۇگىندە اناسىنىڭ باس­تاعان جۇمىسىن دينارا نۇرسۇلتان­قىزى ءارى قاراي جالعاستىرىپ, وسى قور­دىڭ كو­­مەگىمەن كوپتەگەن اتا-اناسىز قالعان با­لالار قامقورلىققا يە بولىپ جاتىر. ۇكىمەتتىڭ اتىنان قوردىڭ قىزمەت­كەر­لەرىنە, دەمەۋشىلەرىنە ۇلكەن راحمەت ايتا­مىن», دەدى ۆيتسە-پرەمەر.

كەشتە سارا الپىسقىزىنىڭ قۇت­تىق­تاۋ ءسوزىن وقىعان «SOS قازاقستان بالا­لار اۋىلدارى» كورپوراتيۆتىك قورى قام­قورشىلىق كەڭەسىنىڭ ءبىرىنشى توراعاسى گالينا سۋۆوروۆا يدەيا اۆتورىنىڭ جىلى لەبىزىن جەتكىزدى. «25 جىل بۇرىن ەلباسى نۇرسۇلتان ءابىش ۇلى رەسمي ساپارى كەزىندە مەنى SOS Kinderdorf International اۋستريا قورىنىڭ وكىلدەرىمەن تانىستىردى. 1999 جىلى ۇلى گۋمانيست گەرمان گماينەردىڭ سوعىستا اتا-انالارى قازا تاپقان بالالارعا ارناپ سالعان اۋىلىنا باردىم. بيىل اۋستريالىق قور 70 جىلدىعىن اتاپ وتۋدە. كورگەن دۇنيەمنەن ەرەكشە اسەر الدىم, ونداعى ادامدار قاتتى ۇنادى. ءسويتىپ قازاقستاندا جاڭا ۇلگىدەگى بالالار ۇيلەرىن سالۋ بويىنشا SOS Kinderdorf International-مەن ىنتىماقتاسۋ يدەياسى ويعا كەلدى. ءبىزدىڭ SOS اۋىلدارداعى انالار مەن بالالاردىڭ قاۋىشۋىن ءاردايىم قۋانا ەسكە الامىن. SOS انالارىمىزعا بالالارعا قامقورلىق تانىتقانى ءۇشىن ەرەكشە العىسىمدى بىلدىرەمىن», دەلىنگەن حاتتا.

SOS بالالار اۋىلى – وتباسىلىق تيپتەگى بالالار ءۇيى. بىرنەشە شاڭىراقتان قۇرالىپ, ءار شاڭىراقتى ءبىر-ءبىر SOS انا نەمەسە SOS اتا-انا ۇستايدى دا ولار بالالار ۇيىنەن كەلگەن جاسوسپىرىمدەردى باۋىرىنا باسادى. ءبىر وتباسىندا باستارى قوسىلعان بالالار بولسا ءبىر-بىرىمەن تۋعان باۋىرداي بولىپ, SOS انانىڭ نەمەسە SOS اتا-انانىڭ تاربيەسىن كورىپ وسەدى. ەڭ العاش مۇنداي بالالار ءۇيىن 1949 جىلى گەرمان گماينەر ەسىمدى دارىگەر اۋستريانىڭ يمستە قالاسىندا اشتى. ول ەكىنشى دۇنيەجۇزىلىك سوعىستان كەيىن جەتىم قالعان بالالاردى اش-جالاڭاش قالدىرماي, امان-ساۋ ءوسىرۋدى كوزدەگەن ەدى. بۇگىندە SOS بالالار اۋىلى الەمنىڭ 130-دان استام ەلىندە جۇمىس ىستەيدى.

«SOS قازاقستاننىڭ بالالار اۋىلدارى» كورپوراتيۆتىك قورى 1994 جىلى مەم­لەكەتتىك ەمەس الەۋمەتتىك ۇيىم رەتىندە SOS Children’s Villages International حا­لىقارالىق ۇيىمىنىڭ قولداۋىمەن, سارا الپىسقىزىنىڭ باستاماسىمەن قۇرىلعان. 2018 جىلدان باستاپ «نۇرسۇلتان نازار­باەۆتىڭ ءبىلىم بەرۋ قورى» قوعامدىق قورىنىڭ ديرەكتورى دينارا ق ۇلىباەۆا «SOS قازاقستان بالالار اۋىلدارى» كق قامقورشىلىق كەڭەسىنىڭ ءتورايىمى جانە قۇرىلتايشىسى بولدى. ەلىمىزدە SOS بالالار اۋىلى الماتى, نۇر-سۇلتان جانە تەمىرتاۋ سىندى ءۇش قالادا بار. 25 جىلدا ءۇش اۋىلدان 581 جەتىم بالا تاربيەلەنىپ شىقسا, ونىڭ 296-سى ءوزىن ءوزى قامتاماسىز ەتەتىن جاستاردىڭ قاتارىنا قوسىلعان. بۇل جاستاردىڭ 95%-ى جوعارى جانە ورتا ارنايى ءبىلىم السا, 68%-ى تۇرعىن ۇيمەن قامتاماسىز ەتىلگەن. قازىر «SOS قازاقستاننىڭ بالالار اۋىلدارىندا» 200-دەن اسا بالا تۇرادى.