ەلباسى ماقالاسى نەگىزىندەگى جوبا

ەرەكشە جوبا مەكتەپتەگى اشىق ەسىك كۇنىندە تانىستىرىلدى. جوبا اۆتورى جۇمىستى ەلباسىنىڭ « ۇلى دالانىڭ جەتى قىرى» ماقالاسىن نەگىزگە الا وتى­رىپ جاساعانىن, سوندىقتان ويىن-ساۋىق ورتالىعى 7 سەكتسيادان تۇراتىنىن مالىم­دەدى.

تارقاتىپ ايتار بولساق, «ەرتەگىلەر ەلى», «ارحەولوگيا ەلى», «قازاق ءان-جى­رى ەلى», «جىلقىلار الەمى», «قولونەر ەلى», «ۇلتتىق ويىندار ەلى», «جىل ون ەكى اي ەلى». ورتالىققا كەلگەن جاس وسكىن ءتۇرلى ۇلتتىق ويىندارعا قاتى­سىپ, كۆەس­تەردى ىزدەپ, اقىل-ويىن جەتىل­دىرەتىن بولادى.

ماسەلەن, «قازاق ءان-جىرى ەلىنە» ساياحات جاساعان بالالار ەدەندەگى ءتۇر­لى نوتانى باسۋ ارقىلى ءتۇرلى كۇي مەن اۋەندەردى ەستي الادى. دومبىرا, قو­بىز, سازسىرناي سىندى ۇلتىمىزدىڭ مۋزىكالىق اسپاپتارىنىڭ بەينەسىن LED ەكراننان تاماشالاپ قانا قويماي, ودان قانداي ءۇن شىعاتىنىنا دا قانىعا تۇسپەك.

نازارباەۆ زياتكەرلىك مەكتەبىنىڭ وقۋشىسى سۇڭعات ابدىرازاق: «جوبا شىن مانىندە قولداۋ تاۋىپ, قالادا بوي كوتەرەتىن بولسا, وندا تۋريستەر ءۇشىن تاپتىرماس ايماققا اينالار ەدى», دەيدى.

سونىمەن قاتار عىلىمي-شىعارما­شىلىق يدەيالار جارمەڭكەسىندە جاس ونەر­تاپقىشتاردىڭ «Bio worlds», «رۋحاني جاڭعىرۋ», «Robotics», «عىلىمي لابوراتوريا», «Intellectum zone», «STEAM» جانە «لايفحاك» باعىتتارى بويىنشا 140-تان اسا جۇمىسى كورەرمەن نازارىنا ۇسىنىلدى.

شىمكەنت