نۇر-سۇلتاندا قازاقستان رەسپۋبليكاسىنىڭ تۇڭعىش پرەزيدەنتى كۇنىنە وراي «تۇركى الەمىنىڭ تۇعىرلى تۇلعاسى» اتتى سالتاناتتى شارا ءوتتى.
سالتاناتتى شارا حالىقارالىق تۇركى اكادەمياسى قازاقستان حالقى اسسامبلەياسىمەن بىرلەسىپ وتكىزىپ وتىر. شاراعا حالىقارالىق تۇركى اكادەمياسىنىڭ پرەزيدەنتى دارحان قىدىرالى, قازاقستان حالقى اسسامبلەياسى توراعاسىنىڭ ورىنباسارى جانسەيىت تۇيمەباەۆ, ەلىمىزدەگى بىرقاتار ەلدىڭ ەلشىلەرى, پارلامەنت سەناتى مەن ءماجىلىسىنىڭ دەپۋتتارى, ديپلوماتيالىق ميسسيا, عىلىمي مەكەمەلەر مەن ءبىلىم وردالارىنىڭ باسشىلارى, مەملەكەت جانە قوعام قايراتكەرلەرى, تانىمال عالىمدار مەن زيالى قاۋىم وكىلدەرى قاتىستى.
باسقوسۋدا بەلگىلى تۇركيالىق پۋبليتسيست, پروفەسسور كۋرشاد زورلۋنىڭ ەلباسى نۇرسۇلتان نازارباەۆتىڭ كەمەڭگەرلىگى مەن ليدەرلىك قىرىن تەرەڭ زەردەلەگەن «نازارباەۆ كوشباسشىلىعى: ۇلى دالانىڭ ورلەۋى» اتتى كىتابىنىڭ تۇساۋى كەسىلدى.