بۇل تۋرالى مادەنيەت جانە سپورت مينيسترلىگىنىڭ ءباسپاسوز قىزمەتى حابارلادى.
«كەشە الماتىدا بالۋان شولاق اتىنداعى سپورت سارايىندا تۇڭعىش پرەزيدەنت كۇنىنە وراي قازاقستان رەسپۋبليكاسىنىڭ مادەنيەت جانە سپورت مينيسترلىگى, قازاق كۇرەسى فەدەراتسياسى مەن «Qazaqstan Barysy» قازاق كۇرەسىن دامىتۋ جانە قولداۋ قورىنىڭ ۇيىمداستىرۋىمەن قازاق كۇرەسىنەن تۇيە پالۋاندار اراسىندا «الەم بارىسى» ءابسوليۋتتى الەم چەمپيوناتى ءوتتى.
وسىمەن ءتورتىنشى رەت وتكەن باسەكەدە 30 ەلدەن 33 پالۋان باق سىنادى.
الەمدىك ءجارىستا بىرىنشى ورىندى (10 ملن تەڭگە مەن التىن بەلبەۋ) رەسەيلىك پالۋان رومان بوبيكوۆ قانجىعاسىنا بايلادى.
ەلىمىز نامىسىن قورعاعان ايبەك نۇعىماروۆ ەكىنشى ورىندى (6 ملن تەڭگە مەن كۇمىس بەلبەۋ), ماقسات يساعابىلوۆ ءۇشىنشى ورىندى (3 ملن تەڭگە مەن قولا بەلبەۋ) يەلەندى.
«جەڭىسكە دەگەن جىگەرى ءۇشىن» نوميناتسياسى وزبەكستاندىق مۋحسين حيسومۋددينوۆكە (1 ملن تەڭگە) بۇيىردى», دەلىنگەن حابارلامادا.