تەكەلى قالاسىنىڭ مادەنيەت ۇيىندە 1 جەلتوقسان - تۇڭعىش پرەزيدەنت كۇنىنە وراي سالتاناتتى جيىن ءوتتى.
وسى مەرەيلى ساتتە تەكەلى قالاسىنىڭ كوپبالالى 14 وتباسىنا پاتەر كىلتى تابىستالدى. كوپبالالى وتباسىلاردىڭ قۋانىشىن بولىسكەن قالا اكىمى باحتيار ونەرباەۆ ايماقتاعى كوپ بالالى جانە الەۋمەتتىك جاعىنان از قامتىلعان اۋلەتتەرگە جاسالىپ وتىرعان قولداۋ جايىندا ايتتى.
بيىل الماتى وبلىسىندا تۇرمىسى تومەن جانە كوپ بالالى وتباسىلاردى قولداۋعا جەرگىلىكتى بيۋدجەتتەن 3,4 ملرد تەڭگە قاراستىرىلعان بولاتىن. الەۋمەتتىك كارتا شەڭبەرىندە بالاباقشالار مەن مەكتەپتەردە از قامتىلعان وتباسىلاردىڭ 58 مىڭ بالاسى تەگىن ىستىق تاماقپەن قامتاماسىز ەتىلگەن. مۇنىڭ سىرتىندا تۇرعىن ۇيمەن قامتۋعا كاسىپكەرلەر جۇمىلىپ, كوپتەگەن وتباسى باسپانالى بولدى. تەكەلى قالاسىندا دا بيىلدىڭ وزىندە 4 وتباسى وسىنداي جولمەن ءۇي العان ەدى.
سونداي-اق, شارا بارىسىندا جينالعان قاۋىمدى قالا اكىمى باحتيار ونەرباەۆ قۇتتىقتاپ, بىرقاتار قالا بەلسەندىلەرىنە العىس حات پەن قۇرمەت گراموتالارىن تابىستادى. سالتاناتتى شارادا جاس جەتكىنشەكتەر «جاس ۇلان» جانە «جاس قىران» قاتارىنا قابىلداندى. ال جيىن سوڭى مەرەكەلىك كونتسەرتپەن جالعاستى.