بۇگىن جامبىل وبلىسىندا بىرقاتار كادرلىق اۋىس-ءتۇيىس بولدى. وبلىس اكىمى اسقار مىرزاحمەتوۆ جامبىل اۋدانىنا ارنايى بارىپ, اۋدان اكتيۆىنە اۋداننىڭ جاڭا باسشىسىن تانىستىردى. تاراز قالاسىنىڭ ىرگەسىندە ورنالاسقان جامبىل اۋدانىنا اكىم بولىپ ساكەن ارۋباەۆ تاعايىندالدى. ول وسى ۋاقىتقا دەيىن بىرقاتار مەملەكەتتىك قىزمەتتىڭ ساتىسىنان وتكەن, مويىنقۇم اۋدانىن باسقارعان. سوڭعى ۋاقىتتا جامبىل وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى بولىپ قىزمەت اتقارعان.
ال جامبىل اۋدانىن وسى ۋاقىتقا دەيىن باسقارىپ كەلگەن باقىت قازانباسوۆ تالاس اۋدانىنا اكىم بولىپ باردى. اسقار مىرزاحمەتوۆ بۇگىن قوس بىردەي اكىمدى قازاقستان رەسپۋبليكاسى پرەزيدەنتى اكىمشىلىگى جانە اۋداندىق ءماسليحات دەپۋتاتتارىنىڭ كەلىسىمىمەن تاعايىنداپ, جاڭا اكىمدەرگە اۋدان ەكونوميكاسىن, اۋىل شارۋاشىلىعىن كوتەرۋدى تاپسىردى.
سونىمەن قاتار بۇگىندە تاراز قالاسى اكىمىنىڭ جانە بىرقاتار وبلىستىق باسقارما باسشىلارى ورىندارىنىڭ بوس تۇرعانىن ەسكەرسەك, الدا ءالى دە جامبىل وبلىسىندا كادرلىق اۋىس-تۇيىستەر بولادى دەپ ايتۋعا بولادى.
جامبىل وبلىسى