ەلوردادا مۇمكىندىگى شەكتەۋلى 640 ادام جۇمىسقا ورنالاستىرىلدى

ورتالىق جىل باسىنان بەرى مۇمكىندىگى شەكتەۋلى 687 ادام جۇمىسسىزدىقتان الەۋمەتتىك قورعاۋ شارالارىمەن قامتىلدى, ونىڭ ىشىندە 640 ادام جۇمىسقا ورنالاستىرىلدى. سونىڭ ىشىندە تۇراقتى جۇمىسقا - 341 ادام, ۋاقىتشا جۇمىسقا - 3 ادام, جاستار تاجىريبەسىنە - 17 ادام, الەۋمەتتىك جۇمىس ورىندارىنا - 33 ادام, قوعامدىق جۇمىسقا - 246 ادام جىبەرىلدى.

سونىمەن قاتار قىسقا مەرزىمدى وقىتۋعا 47 ادام جىبەرىلدى (تىگىنشى, اسپازشى, تىگىنشى, ۆيزاجيست, شاشتاراز, اكىمشى, ساۋدا مەنەدجەرى, ناۋبايشى جانە مانيكيۋر شەبەرى ماماندىقتارى بويىنشا).

«جاس كاسىپكەر» جانە «باستاۋ بيزنەس»  جوبالارى اياسىندا قىسقا مەرزىمدى وقىتۋ جانە كاسىپكەرلىك نەگىزدەرىنە وقىتۋ اياقتالعاننان كەيىن 29 مۇمكىندىگى شەكتەۋلى ادامعا جاڭا بيزنەس-يدەيالاردى ىسكە اسىرۋعا مەملەكەتتىك گرانت بەرۋگە ارنالعان بيزنەس-جوبالار ماقۇلداندى.

جۇمىسپەن قامتۋ ورتالىعى تاراپىنان جۇمىسقا ورنالاستىرۋ مۇمكىندىكتەرىن كەڭەيتۋ ماقساتىندا تۇراقتى تۇردە بوس جۇمىس ورىندارى جارمەڭكەلەرى ۇيىمداستىرىلادى. ەسەپتى كەزەڭ بويىنشا «جاستار» سارايىندا 6 قالالىق بوس جۇمىس ورىندارى  جارمەڭكەسى جانە حالىقتى جۇمىسپەن قامتۋ ورتالىعى  بازاسىندا جۇمىسسىز ازاماتتارعا ارنالعان 15 شاعىن بوس جۇمىس ورىندارى جارمەڭكەسى وتكىزىلدى. شارا اياسىندا مۇمكىندىگى شەكتەۋلى, باس بوستاندىعىنان ايىرۋ ورىندارىنان بوساتىلعان جانە پروباتسيا قىزمەتىنىڭ ەسەبىندە تۇرعان تۇلعالاردى جۇمىسقا ورنالاستىرۋ, قالانىڭ ءبىلىم بەرۋ جۇيەسىنەن كادرلار تاڭداۋ جانە ت.ب. جۇمىستار اتقارىلدى. مۇگەدەكتەردى جۇمىسقا ورنالاستىرۋدىڭ نەگىزگى نىسانى جۇمىس ورىندارىن كۆوتالاۋ بولىپ تابىلادى.

قازىرگى تاڭدا اكىمدىكتىڭ 2016 جىلعى 16 قاراشاداعى № 158-2247 «استانا قالاسىندا جۇمىس ورىندارىنىڭ كۆوتاسىن بەلگىلەۋ تۋرالى» قاۋلىسىنا سايكەس ەلوردا ۇيىمدارىندا اۋىر جۇمىستاردى, ەڭبەك جاعدايلارى زياندى, قاۋىپتى جۇمىستاردى ەسەپكە الماي, قىزمەتكەرلەردىڭ تىزىمدىك سانىنىڭ 2-دەن 4 پايىزىنا دەيىنگى مولشەردە جۇمىس ورىندارىنىڭ كۆوتالارى بەلگىلەندى. سول رەتتە مەنشىك نىسانىنا قاراماستان, بارلىق ۇيىمدار كۆوتالاۋعا جاتادى.

سونداي-اق جۇمىس بەرۋشىلەر مۇگەدەكتەرگە ارنالعان ارنايى جۇمىس ورىندارىن قۇرۋ ءۇشىن سۋبسيديا الۋعا بولادى.