ەرتەڭ ەلورداداعى ۇلتتىق ارحيۆ پرەزيدەنت ءارحيۆى جانە ۇلتتىق اكادەميالىق كىتاپحانامەن بىرلەسىپ تۇڭعىش پرەزيدەنت كۇنىنە وراي «ەلىن سۇيگەن ەلباسى» اتتى كورمە وتكىزەدى.
كورمەدە ۇلتتىق ارحيۆ جانە پرەزيدەنت ءارحيۆىنىڭ قورىنان ۇلت كوشباسشىسىنىڭ ءومىربايانى مەن شىعارماشىلىق جولى, قازاقستان تاۋەلسىزدىگىنە قول جەتكىزۋى جانە دامۋى جولىنداعى قۇجاتتارى مەن جازعان كىتاپتارى جانە پرەزيدەنت تۋرالى جازعان اۆتورلاردىڭ كىتاپتارى ۇسىنىلادى.
ءىس-شارانىڭ باستى ماقساتى – «ماڭگىلىك ەل» جالپىۇلتتىق پاتريوتتىق يدەياسى اياسىندا قازاقستاندىق قۇندىلىقتاردى كورسەتۋ, تاۋەلسىز قازاقستاننىڭ قۇرىلۋى مەن قالىپتاسۋىندا پرەزيدەنتتىڭ ءرولىن كورسەتۋ جانە دە جاستاردى پاتريوتتىق سەزىمگە تاربيەلەۋ.
كورمەگە مادەنيەت جانە سپورت مينيسترلىگىنىڭ وكىلدەرى, قازاقستان رەسپۋبليكاسى پارلامەنتىنىڭ دەپۋتاتتارى, بەلگىلى قوعام جانە مادەنيەت قايراتكەرلەرى, ماگيسترانتتار مەن ستۋدەنتتەر قاتىسادى دەپ كۇتىلۋدە.