كەشە شونجى شەكارا جاساعى ا. ونوپكو اتىنداعى شەكارا زاستاۆاسىنىڭ ۋچاسكەسىندە زاڭسىز اڭ اۋلاپ جۇرگەن 1969 جىلى تۋعان جانە 1971 جىلى تۋعان قر ەكى ازاماتى ۇستالدى. بۇل تۋرالى شەكارا قىزمەتىنىڭ ءباسپاسوز قىزمەتى حابارلادى.
«اڭ اۋلاۋعا رۇقسات بەرەتىن قۇجاتتارى بولعان جوق. ولاردان 12 كاليبرلى رەمينگتون 870 EXPRESS Magnum ماركالى ەكى قارۋ-جاراق جانە ونىڭ وق-دارىلەرى تاركىلەندى. ۇستالعاندار قارۋ-جاراقپەن بىرگە ۇيعىر اۋداندىق پب-عا تاپسىرىلدى», دەلىنگەن حابارلامادا.