شۆەيتساريا پرەزيدەنتى ۋلي ماۋرەر قازاقستانعا جوسپارلانعان رەسمي ساپارمەن كەلەدى. بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي Facebook پاراقشاسىندا جازدى.
«21-22 قاراشادا مەملەكەت باسشىسى قاسىم-جومارت توقاەۆتىڭ شاقىرۋىمەن قازاقستان رەسپۋبليكاسىنا شۆەيتساريا كونفەدەراتسياسىنىڭ پرەزيدەنتى – قارجى ءمينيسترى ۋلي ماۋرەر رەسمي ساپارمەن كەلەدى. شۆەيتساريالىق دەلەگاتسيانىڭ قۇرامىندا بيزنەس وكىلدەرى دە بولادى. 22 قاراشادا مەملەكەتتەر باسشىلارى «اقوردا» رەزيدەنتسياسىندا شاعىن جانە كەڭەيتىلگەن قۇرامدا كەلىسسوزدەر وتكىزەدى دەپ جوسپارلانعان. كەلىسسوزدەر بارىسىندا ساياسي, ساۋدا-ەكونوميكالىق, ينۆەستيتسيالىق جانە گۋمانيتارلىق سالالار بويىنشا ەكىجاقتى ىنتىماقتاستىقتىڭ احۋالى مەن پەرسپەكتيۆالارى تالقىلانادى», دەپ جازدى بەرىك ءۋالي
ساپار اياسىندا ۋلي ماۋرەر قازاقستان ۇكىمەتىنىڭ باسشىلىعىمەن كەزدەسەدى جانە ەكى ەلدىڭ ىسكەرلىك توپتارىنىڭ قاتىسۋىمەن وتەتىن «دوڭگەلەك ۇستەلدە» ءسوز سويلەيدى دەپ جوسپارلانعان.