تەننيستەن قازاقستاننىڭ ۇلتتىق قۇراماسى دەۆيس كۋبوگىنا قاتىسۋ ءۇشىن كەشە يسپانيانىڭ باس شاھارى – مادريدكە امان-ەسەن جەتىپ, سول جەردە العاشقى جاتتىعۋىن وتكىزدى.
ەستەرىڭىزگە سالا كەتەيىك, بۇل جارىس 18-24 قاراشا ارالىعىندا مادريدتە وتەدى. بايراقتى باسەكەدە الەكساندر بۋبليك, ميحايل كۋكۋشكين, الەكساندر نەدوۆەسوۆ جانە اندرەي گولۋبەۆ سىندى ساڭلاقتار قازاقستاننىڭ نامىسىن قورعايدى.
دەۆيس كۋبوگى جولىنداعى جارىستا التى توپقا بولىنگەن 18 كوماندانىڭ اراسىنان ۇزدىك شىققان سەگىزى شيرەك فينالعا جولداما الادى. يسپانيانىڭ استاناسىندا قازاقستاننىڭ تەننيسشىلەرى توپتىق تۋرنيردە گوللانديا مەن ۇلىبريتانيا قۇرامالارىنا قارسى وينايدى.