جاقىندا التاي اۋدانىندا «شىعىس – ادالدىق الاڭى» فرونت-كەڭسەسى اشىلدى. اۋدان اكىمدىگىنىڭ عيماراتىندا ورنالاسقان كەڭسەدە جەر قاتىناستارى, ساۋلەت جانە قالا قۇرىلىسى, جۇمىسپەن قامتۋ جانە الەۋمەتتىك باعدارلامالار, تۇرعىن ءۇي-كوممۋنالدىق شارۋاشىلىق, جولاۋشىلار كولىگى جانە اۆتوموبيل جولدارى بولىمدەرىنىڭ باسشىلارى مەن ماماندارى جۇمىس ىستەيتىن بولادى.
«وبلىس اكىمى دانيال احمەتوۆتىڭ تاپسىرماسىنا سايكەس اۋداندار اراسىندا العاش اشىلعان فرونت-كەڭسەدە تۇرعىندارعا كەڭەس بەرىلەدى, ءتيىستى قۇجاتتار قابىلدانادى. فرونت-كەڭسەگە جۇگىنگەن قالا تۇرعىندارى ء«بىر تەرەزە» قاعيداتى بويىنشا جۇمىس كۇندەرى ساعات 9.00-دەن 18.30-عا دەيىن قىزمەت الا الادى» دەدى كەڭسەنىڭ اشىلۋىندا ءسوز سويلەگەن التاي اۋدانىنىڭ اكىمى نۇرجان توقسەيىتوۆ.
فرونت-كەڭسەنىڭ اشىلۋ سالتاناتىنا ارنايى كەلگەن سىبايلاس جەمقورلىققا قارسى ءىس-قيمىل دەپارتامەنتى باسشىسىنىڭ ءبىرىنشى ورىنباسارى جىگەر ءبايدىلدين «شىعىس – ادالدىق الاڭى» كەدەرگىسىز ورتا جاساۋعا, باسشىلاردىڭ جاۋاپكەرشىلىگىن كۇشەيتۋگە, تۇرعىندارعا جايلى جاعداي جاساۋعا جانە قوعامدىق باقىلاۋدى كۇشەيتۋگە مۇمكىندىك بەرەتىن بىرەگەي جوبا ەكەندىگىن اتاپ ءوتتى. «بۇل جوبا مەملەكەتتىك ورگاندار قىزمەتىنىڭ اشىقتىعىن, ەڭ باستىسى, سىبايلاس جەمقورلىققا قارسى ارەكەت ماسەلەلەرىنە, ازاماتتاردىڭ مەملەكەتتىك بيلىك ورگاندارىنا سەنىمىن ارتتىرۋعا باعىتتالعان» دەيدى ول.
شىعىس قازاقستان وبلىسى,
التاي اۋدانى