كەنشىلەر استاناسىنداعى «كۇنگەي» شاعىن اۋدانىندا جاڭا مەشىت سالىندى. اللانىڭ جەردەگى ءۇيىنىڭ سالتاناتتى اشىلۋ راسىمىندە جەرگىلىكتى تۇرعىنداردى قاراعاندى وبلىسىنىڭ باس يمامى ومىرزاق بەكقوجا قۇتتىقتادى.
جالپى اۋماعى 1200 شارشى مەتردى قۇرايتىن جاڭا مەشىتتىڭ ىشىندە ايەلدەر مەن ەرلەرگە ارنالعان بولەك زالدار, ءدىني وقۋ سىنىپتارى جانە كىتاپحانا ورنالاسقان. سونداي-اق مۇندا 250 ورىندىق اسحانا دا جۇمىس ىستەيتىن بولادى.
ىشىنە 700 ادام سىياتىن مەشىتتىڭ قۇرىلىسىنا جەرگىلىكتى كاسىپكەر التاي ەرعوجين دەمەۋشىلىك ەتكەن.
– «كۇنگەي» شاعىن اۋدانىنداعى وزەكتى پروبلەمانىڭ ءبىرى مەشىت ءۇيىنىڭ جوقتىعى ەدى. جاماعاتتىڭ وسىنداي مۇقتاجدىعىن ەسكەرە كەلە, ءوز جانىمنان قارجى ءبولىپ, مەشىت قۇرىلىسىن قولعا الدىم. ماعان كۇنگەيلىكتەر عانا ەمەس, قالامىزدىڭ باسقا دا اۋداندارىندا تۇراتىن ازاماتتار بەلسەندى تۇردە كومەك كورسەتتى, – دەيدى مەتسەنات.
ءدال وسىنداي مەشىتتەر الداعى ۋاقىتتا قاراعاندىنىڭ ىرگەسىندەگى سۇرىپتاۋ جانە پريشاحتينسك ەلدى مەكەندەرىندە دە اشىلاتىن بولادى.
قاراعاندى وبلىسى