كەشە ۇلىبريتانيا استاناسى – لوندوندا اتر-ءدىڭ قورىتىندى ءتۋرنيرىنىڭ شىمىلدىعى ءتۇرىلدى. ايتۋلى جارىستا بۇگىنگى تاڭداعى الەمنىڭ ەڭ ۇزدىك سەگىز تەننيسشىسى ءتورت-تورتتەن ەكى توپقا ءبولىنىپ, ءوزارا شەبەرلىك بايقاسۋدا.
بورن بورگ توبىنداعى سەربيالىق نوۆاك دجوكوۆيچ ءوزىنىڭ تۇساۋكەسەر كەزدەسۋىندە يتاليالىق ماتتەو بەررەتتينيدى ەش قينالماي ۇتتى – 6:2, 6:1. اۆستريالىق دومينيك تيم شۆەيتساريالىق رودجەر فەدەرەردى تىزە بۇكتىردى – 7:5, 7:5.
اندرە اگاسسيدىڭ توبىندا توسىن ناتيجە تىركەلدى. الەمنىڭ ءبىرىنشى راكەتكاسى, يسپانيالىق رافاەل نادال ويدا-جوقتا گەرمانيالىق الەكساندر زۆەرەۆكە ەسە جىبەردى – 2:6, 4:6. ال گرەكيالىق ستەفانوس تسيتسيپاس رەسەيلىك دانيل مەدۆەدەۆتەن باسىم ءتۇستى – 7:6, 6:4.