دزيۋدودان قازاقستان ۇلتتىق قۇراما كومانداسى جاپونيادا وتەتىن Grand Slam جارىسىنا قاتىسادى. بۇل تۋرالى Olympic.kz حابارلادى.
«22-24 قاراشا كۇندەرى جاپونيانىڭ وساكا قالاسىندا دزيۋدودان كەزەكتى الەمدىك Grand Slam ءتۋرنيرى وتەدى. ءدۇبىرلى دوداعا الەم چەمپيوناتىنىڭ كۇمىس جۇلدەگەرى رۋستام يبراەۆ (60 كەلى), جانساي سماعۇلوۆ پەن جانبولات باعىتبەرگەنوۆ (ەكەۋى دە 73 كەلى), رۋسلان مۋساەۆ (81 كەلى), ەرسۇلتان مۇزاپپاروۆ (90 كەلى), ايبەك سەرىكباەۆ (100 كەلى) جانە ەراسىل قاجىباەۆ (100 كەلىدەن جوعارى) قاتىسادى. اتالعان سپورتشىلاردىڭ بارلىعى جارىسقا تىڭعىلىقتى دايىندالدى. وسى جارىستا سپورتشىلارىمىزدى جەڭىسپەن ورالادى دەپ ۇمىتتەنەمىز», دەدى باس باپكەر ايدىن سماعۇلوۆ.
سونداي-اق وساكا تاتاميىندە ەل نامىسىن بۇرىمدى بالۋانداردان وتگونتسەتسەگ گالبادراح (48 كەلى), سەۆارا نيشانباەۆا (57 كەلى) جانە زارينا رايفوۆا (78 كەلى) قورعايدى.