1. 2020 جىلى اقش-تاعى پرەزيدەنتتىك سايلاۋدان كەيىنگى احۋالاقش-تىڭ قازىرگى پرەزيدەنتى دونالد ترامپ جاڭا مەرزىمگە قايتا سايلانۋ كامپانياسىن باستاپ كەتتى. الايدا قارسىلاستارى ونى يمپيچمەنتپەن قورقىتۋدا. الەمنىڭ جەتەكشى دەرجاۆاسىنىڭ ساياسي دامۋىنداعى بەلگىسىزدىك بۇكىل ەۋرازيا ءۇشىن ەلەۋلى سىن-قاتەرگە ۇلاسۋى مۇمكىن.
2. جاھاندىق ەكونوميكالىق قۇلدىراۋدۇنيەجۇزىنە ىقپال ەتەتىن كەزەكتى ەكونوميكالىق داعدارىس دامۋشى ەلدەردەگى ەكونوميكالىق ماسەلەلەردىڭ سالدارىنان ورىن الۋى مۇمكىن. دامىپ كەلە جاتقان نارىقتاردا كاپيتالدىڭ كەتۋى اسەرىنەن ۆاليۋتا باعامى قۇلدىراپ, سونىڭ كەسىرىنەن كومپانيالاردىڭ قارىزعا باتۋ ماسەلەسى كۇشەيەتىندىكتەن, جاھاندىق داعدارىس ورىن الۋى بولجانۋدا.
3. اقش پەن قىتاي تەكەتىرەسىنىڭ ۋشىعۋىاقش پەن قىتاي اراسىنداعى تەكەتىرەستىڭ كۇشەيۋ قاۋپى بىلتىرعى رەيتينگتىڭ الدىڭعى قاتارىنان ورىن العان. ماسەلە 2020 جىلى دا وزەكتىلىگىن جويعان جوق. ۆاشينگتون مەن بەيجىڭ شيەلەنىسىن تولىققاندى ستراتەگيالىق قارسىلىق دەپ اتاۋعا بولادى.
4. جاھاندىق قارۋلانۋ جارىسىنىڭ جاڭا كەزەڭى2019 جىلى قىرعي-قاباقتى باسەڭدەتۋدە ءباسى جوعارى بولعان جاقىن جانە ورتا قاشىقتىقتاعى زىمىرانداردى جويۋ جونىندەگى كەلىسىمىنىڭ كۇشىن جويعانىنا كۋا بولدىق. 2020 جىلى الەم ستراتەگيالىق قارۋ سالاسىنداعى «ويىن ەرەجەلەرىنىڭ» جاپپاي جويىلۋ ىقتيمالدىلىعىنا تاپ بولادى.
5. تەحنولوگيالىق ۇستەمدىك جارىسىنىڭ ۇدەۋىتەحنولوگيالىق كەڭىستىكتىڭ گەوساياسي سەگمەنتاتسياسى ايقىن بولا تۇسەدى. قىتايلىق Huawei جانە ZTE كومپانيالارىنىڭ مىسالدارى IT-ونىمدەردى وتكىزۋ نارىعىن ايماقتاندىرۋ تەتىگىنىڭ ۇلگىسى دەپ ساناۋعا بولادى.
6. يرانعا قارسى اسكەري سوعىسيادرولىق كەلىسىمدى جويۋ يران توڭىرەگىندەگى قاراما-قايشىلىقتاردىڭ ودان ءارى ۋشىعۋىنا ۇلاسۋى مۇمكىن. يراننىڭ گەوساياسي قارسىلاستارىمەن تەكەتىرەسى كيبەركەڭىستىككە كەڭ تارالۋى مۇمكىن. جاعداي تاياۋ شىعىستاعى بۇكىل قاۋىپسىزدىك جۇيەسىن قىسىمدا ۇستايدى.
7. كورەي تۇبەگىندەگى يادرولىق داعدارىسسولتۇستىك كورەيانىڭ بەيبىت كەلىسىمگە كەلۋ جانە اقش-پەن قارىم-قاتىناسىن قالىپقا كەلتىرۋدەگى قادامدارى باياۋ قارقىنمەن جۇرۋدە. ەكى تاراپ اراسىنداعى كەلىسپەۋشىلىكتەر ارتا ۇسكەن سايىن كەلىسىمدەردىڭ قۇردىمعا كەتۋ قاۋپى كۇشەيەدى. جاعدايدىڭ ۋشىعۋىنا 2020 جىلعى اقش-تاعى پرەزيدەنت سايلاۋىنان كەيىنگى احۋال ىقپال ەتۋى مۇمكىن. 8. تەرروريزمنىڭ جاڭا تولقىنىدايش-تىڭ تالقاندالعانىنا قاراماستان, تەرروريستىك توپتار دامۋدىڭ جاڭا ساتىسىنا كوتەرىلىپ, ارەكەت ەتۋ اۋقىمىن كەڭەيتە تۇسۋدە. جالعىز ءوزى كۇرەس ۇيىمداستىرعانداردىڭ قاتارى كوبەيۋدە. بۇدان بولەك, الەم مۇسىلماندار مەن ميگرانتتاردىڭ وزگە كونفەسسيالار تەرروريزمى مەن «اق» تەرروريزم اتالعان توپتاردىڭ قۇربانى بولعانىنا كۋا بولۋدا.
9. باسقىنشى ۇلتشىلدىق پەن پوپۋليزم تولقىنىپوپۋليزمدى سايلاۋ ۇدەرىسىنە تاڭۋ جانە ساياساتكەرلەردىڭ كۇردەلى ماسەلەلەردى وڭاي شەشۋگە دەگەن نيەتى قيراتۋشى الەۋمەتتىك قاقتىعىستاردى كۇشەيتەدى, سونداي-اق ەتنيكالىق جانە ءدىني ارازدىق قاۋپىن تۋدىرادى.
10. كليماتتىڭ وزگەرۋى تۋدىراتىن اۋقىمدى ماسەلەلەرىرى دەرجاۆالار اراسىنداعى كيكىلجىڭدەر مەن كەلىسپەۋشىلىكتەر 2020 جىلى كليماتتىڭ وزگەرۋىنە قارسى كۇرەستى تۇبەگەيلى توقتاتۋ قاۋپىن تۋدىرادى, بۇل باسقا مەملەكەتتەردىڭ ۇلتتىق مۇددەنى جەلەۋ ەتكەن وزىمشىلدىك ساياساتىن جۇرگىزۋىن جەڭىلدەتەدى.
ەسكە سالساق, 11-12 قاراشا كۇندەرى «نازارباەۆ ورتالىعىندا» الەمنىڭ جەتەكشى ديپلوماتتارى مەن ساياساتكەرلەرىنىڭ جانە ساراپشىلارىنىڭ باسىن بىرىكتىرگەن ساياسي فورۋم تۇرىندەگى حالىقارالىق بەدەلدى پىكىرتالاس الاڭى - «استانا كلۋبىنىڭ» بەسىنشى وتىرىسى وتۋدە.
كلۋبتى ۇيىمداستىرۋشىلار - قازاقستان رەسپۋبليكاسى تۇڭعىش پرەزيدەنتى – ەلباسىنىڭ قورى جانە الەمدىك ەكونوميكا جانە ساياسات ينستيتۋتى.
كلۋبتىڭ مەرەيتويلىق وتىرىسىنىڭ تاقىرىبى: «ۇلكەن ەۋرازيا: جاھاندىق ىنتىماقتاستىقتىڭ جاڭا قۇرىلىمى جولىندا».
كلۋب ساراپشىلارى پىكىرتالاسىنا اقش, قىتاي مەن رەسەي ۇشتىگى اراسىندا ۋشىققان تەكەتىرەستىڭ اعىمداعى احۋالى, ساۋدا پروتەكتسيونيزمى مەن پوپۋليستىك كوڭىل-كۇيدىڭ ارتۋى, سونداي-اق يران مەن سولتۇستىك كورەيا توڭىرەگىندە جاڭا شيەلەنىستەردىڭ بوي كوتەرۋى سىندى ماسەلەلەر ارقاۋ بولماق.
شارانىڭ ەڭ باستى وقيعاسى قازاقستاننىڭ تۇڭعىش پرەزيدەنتىنىڭ توراعالىعىمەن ەرتەڭ وتەتىن كلۋبتىڭ پلەنارلىق وتىرىسىندا «ۇلكەن ەۋرازيانى قۇرۋ: سەرىكتەستىكتىڭ جاڭا ۇلگىسى» تاقىرىبى تالقىعا تۇسەدى.