كانادانىڭ مونرەال قالاسىندا شورت-ترەكتەن الەم كۋبوگىنىڭ ەكىنشى كەزەڭى اياقتالدى. بۇل تۋرالى Olympic.kz حابارلادى.
500 مەترگە جارىسقان ابزال اجىعاليەۆ 11-ءشى, دەنيس نيكيشا 46-شى ورىننان كورىندى. بۇل سىندا ۆەنگريالىق شاولين ليۋ جەڭىسكە جەتكەن.
1000 مەترلىك سىندا قازاقستاندىق ەركەبۇلان شامۇحانوۆ جوعارى ناتيجە تىركەپ, ۇزدىك بەستىككە ەندى. ول رەسەي جانە وڭتۇستىك كورەيا سپورتشىلارىنا ەسە جىبەردى.
ال مەرسايد جاقسىباەۆ 16-شى ورىندا. 5000 مەترلىك ەستفەتادا قازاقستان 9-شى ورىنعا تۇراقتادى. بۇل سىندا ۆەنگريا, وڭتۇستىك كورەيا جانە رەسەي سپورتشىلارى ۇزدىك ۇشتىككە ەنگەن.