جامبىل وبلىسىندا جىل سايىن ونەركاسىپ كاسىپورىندارى ءونىم كولەمىن ارتتىرىپ كەلەدى. جامبىل وبلىستىق كاسىپكەرلىك جانە يندۋستريالدى-يننوۆاتسيالىق دامىتۋ باسقارماسىنىڭ باسشىسى جەڭىس ساريەۆتىڭ ايتۋىنشا, اعىمداعى جىلى جامبىل وبلىسىنىڭ ونەركاسىپ كاسىپورىندارىمەن 349,9 ميلليارد تەڭگەنىڭ ءونىمى ءوندىرىلىپ, بۇل كورسەتكىش وتكەن جىلدىڭ ءتيىستى كەزەڭىمەن سالىستىرعاندا 5,7 پايىزعا ارتقان.
«ونىڭ ىشىندە كەن ءوندىرۋ ونەركاسىبى بويىنشا 39,8 ميلليون تەڭگەگە ءونىم ءوندىرىلىپ, بىلتىرعى جىلدىڭ ءتيىستى كەزەڭىمەن سالىستىرعاندا 2,8 پايىزعا وسكەن. ال وڭدەۋ ونەركاسىبى بويىنشا 262,7 ميلليارد تەڭگەگە ءونىم ءوندىرىلىپ, بىلتىرعى جىلمەن سالىستىرعاندا 7,0 پايىزعا ارتقان» دەيدى جەڭىس ساريەۆ.
سونىمەن قاتار ەلىمىزدىڭ يندۋستريالدى-يننوۆاتسيالىق دامۋىنىڭ 2015-2019 جىلدارعا ارنالعان مەملەكەتتىك باعدارلاماسى اياسىندا وبلىستا كاسىپكەرلىكتى قولداۋ كارتاسىنا 603,5 ميلليارد تەڭگەنى قۇرايتىن 50 ينۆەستيتسيالىق جوبا ەنگىزىلگەن. كارتاداعى بارلىق جوبالار ىسكە اسىرىلعان جاعدايدا وبلىستا 6758 جاڭا جۇمىس ورنى اشىلاتىن بولادى. ال 2015-2019 جىلدارى كارتاعا ەنگىزىلگەن جوبالاردىڭ ىشىنەن 55,5 ميلليارد تەڭگەگە 33 جوبا جۇزەگە اسىرىلىپ, 2230 جۇمىس ورنى اشىلماق.
جامبىل وبلىسى