اقش-تا ۇيىمداستىرىلعان ايگىلى نيۋ-يورك مارافونى ءوز مارەسىنە جەتتى. 125 مەملەكەتتەن كەلگەن 50 مىڭنان اسا جەلاياقتىڭ قاتىسۋىمەن وتكەن جارىستا كەنيا سپورتشىلارى جەڭىس تويىن تويلادى.
ەرلەر اراسىندا دجەففري كامۆورور كيپاسانگقا تەڭ كەلەر ەشكىم تابىلمادى. 26 جاستاعى جارتىلاي مارافوننان ءۇش دۇركىن الەم چەمپيونى, كروسستان دۇنيەجۇزىلىك دودانىڭ جەڭىمپازى نيۋ-يوركتەگى جارىستى 2 ساعات, 08 مينۋت جانە 13 سەكۋندتىق كورسەتكىشپەن قورىتىندىلادى. كيپسانگتىڭ كوماندالىق ارىپتەسى البەرت كورير ەكىنشى ورىندى يەلەندى. 25 جاستاعى اتاقتى جەلاياقتىڭ ناتيجەسى – 2:08.36. ءۇشىنشى ورىندى ەفيوپيانىڭ ماقتانىشى گيرما بەكەلە گەبرە ەنشىلەدى. ونىڭ ۋاقىتى – 2:08.38.
ايەلدەر اراسىنداعى جارىستا دا كەنيانىڭ قارا مارجاندارى دارا شىقتى. باس جۇلدەنى 2:22.38 سەكۋندتىق كورسەتكىشپەن دجويسيلين دجەپكوسگەي جەڭىپ السا, مەري كەيتاني (2:23.32) مارە سىزىعىن ەكىنشى بولىپ قيىپ ءوتتى. ءۇشىنشى ورىندى ەفيوپيالىق رۋتي اگا (2:25:51) يەمدەندى.