«وركەنيەتتى كەلەشەك» قوعامدىق قورى 2019-2020 جىلى U.S. Embassy in Kazakhstan (قازاقستانداعى اقش ەلشىلىگى) قولداۋىمەن «مەن بارمىن!» جوباسىن جۇزەگە اسىرادى. بۇل تۋرالى ماڭعىستاۋ وبلىستىق دەنساۋلىق ساقتاۋ باسقارماسى ءباسپاسوز قىزمەتى حابارلادى.
قوردىڭ ديرەكتورى گۇلبارشىن قارابالينانىڭ ايتۋىنشا, جوبا اقتاۋدا ەرەكشە قاجەتتىلىكتەرى بار تۇرعىندارعا, اتاپ ايتقاندا, مۇگەدەكتەر اربالارىندا جۇرگەندەرگە قول جەتىمدى جاعداي جاساۋعا كومەكتەسۋگە باعىتتالعان.
جالپى اقتاۋ قالاسىندا 200 دەن استام اربامەن جۇرەتىن تۇرعىندار تۇرادى, سونىمەن قاتار, قالا كوشەلەرىندە بالالار ارباسىمەن جۇرەتىن اتا-انالار قانشاما. الايدا قالانىڭ نىساندارىنىڭ پاندۋستارى مەن تەپپەلەرىنىڭ تولىعىمەن ستاندارتتارعا ساي بولماۋى ولاردىڭ كۇندەلىكتى ءومىرىن تەك ۇيدە وتكىزۋىنە اكەلىپ سوقتىرىپ وتىر.
-مۇگەدەكتەر, بالالى انالار كۇن سايىن پاندۋستارعا تاپ بولادى. نىساندارعا قول جەتىمدىلىكتىڭ جەتىسپەۋشىلىگى ماسەلەسى مۇگەدەك ادامداردىڭ قوعامعا تولىقتاي قاتىسۋىنا مۇمكىندىك بەرمەيدى. ءبىز ولاردى كورمەيمىز, ولار بۇكىل ومىرلەرىن ءتورت قابىرعادا وتكىزەدى. اربامەن دۇكەن جانە دارىحانالارعا كىرە المايتىن انالار ءۇشىن وڭاي ەمەس, ويتكەنى ولاردىڭ كوپشىلىگىندە ىڭعايلى پاندۋستار جوق. ءبىزدىڭ جوبانى جۇزەگە اسىرۋدا ءبىز وسى ماسەلەگە قوعامنىڭ جانە وبلىس ورتالىعىنىڭ باسشىلىعىنىڭ نازارىن اۋدارعىمىز كەلەدى, دەيدى گۇلبارشىن قارابالينا.
قوردىڭ ديرەكتورى ايتقانداي, جوبا كومانداسى «مەن-بارمىن!» اتتى الەۋمەتتىك ۆيدەروليك جاساقتاپ, بيلبورد ءىلىپ, ىڭعايسىز پاندۋستار نەمەسە ولاردىڭ بولماۋى ماسەلەسىنە قوعامنىڭ نازارىن اۋدارۋ ءۇشىن باسقا دا شارالار ۇيىمداستىرادى.
جوبا اياسىندا قور «مەن-بارمىن!» بايقاۋ جاريالادى, وعان ارنايى مۇگەدەكتەر ارباسىندا قوزعالاتىن ادامدار «جارامسىز» پاندۋس نەمەسە مۇلدەم پاندۋس جوق جەرلەردە سۋرەتكە ءتۇسىپ, الەۋمەتتىك جەلىلەردە جاريالايدى.
-جوبا بايقاۋ ناتيجەسىندە انىقتالعان 10 نىساننىڭ پاندۋستارىن قايتا قۇرۋعا نەمەسە ورناتۋعا كومەكتەسەدى. ال 5 پاندۋستى نىساندار يەلەرىنەن ستاندارتتارعا ساي كەلمەيتىن پاندۋستاردى قايتا قۇرۋىن قوعام تالاپ ەتەتىن بولادى. 25 مۇگەدەكتۇرعىن ءۇشىن «وركەنيەتتى كەلەشەك» قوعامدىق قورىنىڭ «پەرىشتە» ورتالىعىندا وڭالتۋ كۋرستارى - يوگوتەراپيا, ەمدىك دەنە شىنىقتىرۋ, مي بيواككۋستيكالىق تۇزەتۋ اپپاراتىنداعى كۋرستار, اعىلشىن ءتىلى, قولونەر ساباقتارى جۇرگىزىلەدى. بايقاۋدىڭ بارلىق قاتىسۋشىلارى سىيلىقتار مەن جۇلدەلەرگە يە بولادى, ولاردىڭ ىشىندە تاۋارلاردى ساتىپ الۋ سەرتيفيكاتتارى, سونىڭ ىشىندە بالالار, مەديتسينالىق ساقتاندىرۋلارى, سونداي-اق «پەرىشتە» ورتالىعىندا وڭالتۋ سەرتيفيكاتتارى بەرىلەدى. قوعامداعى مۇقتاج جاندارعا قول ۇشىن سوزىپ, بىرگە قولجەتىمدى ورتا قۇرايىق», - دەپ شاقىرادى جوبا كومانداسى.
بايقاۋ اعىمداعى جىلدىڭ 30 قاراشاسىندا اياقتالادى.
ماڭعىستاۋ وبلىسى