تەمىربەك جۇرگەنوۆ اتىنداعى قازاق ۇلتتىق ونەر اكادەمياسىندا «سايگ ۇلىك» اتتى جىلقىعا ارنالعان كورمە اشىلدى.
مۇندا جالپى 100-گە جۋىق تۋىندى قويىلعان. ونىڭ ىشىندە تەك بەينەلەۋ ونەرى عانا ەمەس, مۇسىندەر جانە التىنمەن اپتالىپ, كۇمىسپەن كۇپتەلگەن ات-ابزەلدەرى ۇسىنىلعان.
بۇدان بولەك, شاراعا تاريح عىلىمدارىنىڭ دوكتورى, پروفەسسور احمەت توقتاباي جانە اقىن مارالتاي رايىمبەكوۆ ارنايى شاقىرىلعان. ولار قازاق ەرەكشە قادىر تۇتقان جانۋاردىڭ شىعۋ تەگى مەن اسىل قاسيەتتەرى تۋرالى ايتىپ بەردى. ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ «كەسكىندەمە, ءمۇسىن جانە ديزاين» فاكۋلتەتىنىڭ دەكانى باۋىرجان ءبايدىلدا جۋرناليستەرمەن كەزەدسكەن كەزدە الەمدە تۇڭعىش رەت جىلقىنى قولعا ۇيرەتىپ, جىلقى مادەنيەتىن تارتۋ ەتكەن حالىق ءبىز ەكەنىمىزدى ەسكە ءتۇسىرىپ ءوتتى. وسىدان 7 مىڭ جىل بۇرىن ءبىزدىڭ ارعى اتا-بابالارىمىز وسى قىلقۇيرىقتى مىناۋ جىلقى جانۋارىن تۇڭعىش رەت قولعا ۇيرەتىپ, مىنىسكە پايدالانىپ, ەتىن جەپ, ءسۇتىن ىشكەن حالىق. «سوندىقتان ءبىز مىنا ەۋرازيانىڭ ءاپايتوس دالالارىن سوناۋ ورحون, كەرۋلەن وزەندەرىنەن باستاپ, اناۋ بالكانعا دەيىنگى الىپ تەرريتوريانى بارلىعىن وسى جىلقىنىڭ كۇشىمەن العانبىز», – دەدى تاريح عىلىمدارىنىڭ دوكتورى, پروفەسسور احمەت توقتاباي.
« ۇلى دالانىڭ جەتى قىرىنا» ساي وسى تاقىرىپتى مىندەت دەپ ساناپ وسى ۇستازدارىمىز, شاكىرتتەرمەن, ستۋدەنتتەرمەن بىرىگىپ, وسى كورمەنى اشىپ وتىرمىز. بۇل كورمەنىڭ باستى ماقساتى ەرتەڭ ءبىزدىڭ شاكىرتتەرىمىز ۇلكەن كەسكىندەمەلىك شىعارمالارىن, مۇسىندىك شىعارمالارىن اتپەن بايلانىستىرىپ سالعان كەزدە ءبىلۋى كەرەك», – ول.