تالىمگەرلەر قازاقستان رەسپۋبليكاسىنىڭ اقپارات جانە قوعامدىق دامۋ مينسترلىگىنىڭ گرانتتىق نەگىزدەگى قولداۋىمەن وڭىرلەردى ارالاۋدا. وسىعان سايكەس, بۇگىن بەلسەندى وڭىرلىك تالىمگەرلەر ششۋچينسك قالاسىندا جاستارمەن كەزدەسۋ وتكىزدى.
ەلباسىمىز 2018 جىلدىڭ 5 قازانىنداعى قازاقستان حالقىنا ارناعان جولداۋىندا وسى 2019 جىلدى «جاستار جىلى» دەپ جاريالاعان بولاتىن. اتالمىش شارا «جاستار جىلى» اياسىندا اقپارات جانە قوعامدىق دامۋ مينيسترلىگىنىڭ گرانتتىق قولداۋى ارقىلى جۇزەگە اسىرىلىپ وتىر. قازىرگى كەزەڭدە رەسپۋبليكانىڭ بارلىق ايماقتارىندا جاستارمەن كەزدەسۋلەر, سەمينار-ترەنينگتەر, سۇقبات الاڭدارى, جاستار كەمپى, كوشپەلى شارالار وتكىزىلدى.
قوعامدىق قور اقمولا وبلىسىنىڭ ششۋچينسك قالاسىندا ءوزىنىڭ كەزەكتى جاستارمەن كەزدەسۋىن وتكىزدى. كوشپەلى شارانىڭ تاقىرىبى: «مەنتەرلەر - جاستار تالىمگەرلەرى ىسپەتتى»
ءوڭىر جاستارىمەن جۇمىس جاساۋ ءۇشىن ارنايى جوبا اياسىندا دايىندالعان ايماقتىق جانە ەلوردالىق سپيكەرلەر, مەنتەرلەر, ترەنەرلەر جاسالدى. شاراعا 100-دەن استام جاستار قاتىستى.
سونىمەن بىرگە شارانى قولداۋعا سۇقبات الاڭىنىڭ سپيكەرلەرى پارلامەنت ءماجىلىسىنىڭ دەپۋتاتى ايسينا مايرا اراپقىزى, قوعام قايراتكەرى, پارلامەنت ءماجىلىسىنىڭ 5-ءشى شاقىرىلىم دەپۋتاتى جازىلبەكوۆ نۇرلان ءابدىجاپپار ۇلى, قازاق تەلەۆيزياسىنىڭ داۋىلپاز ديكتورى, جۋرناليست – ءابدىرالى بولەباي, تانىمال تەلەجۇرگىزۋشى ساندي سۇلتان, نۇر-سۇلتان قالاسىنىڭ تانىمال ترەنەر جۇرگىزۋشىلەرى جانە قازاق ەستراداسىنىڭ جارىق جۇلدىزدارى حالىقارالىق كونكۋرستاردىڭ لاۋرەاتى ميراس جۋگۋنۋسوۆ پەن ەسترادا ءانشىسى ءدوسانالى داۋىلباەۆ وزدەرىنىڭ جەتىستىككە جەتۋ تاريحى جايلى جاستارمەن ءبولىستى.
جوباعا اقمولا وبلىسى, بۋراباي اۋدانى ششۋچينسك قالاسىنىڭ اكىمشىلىگى مەن ءوڭىردىڭ جاستار كوشباسشىلارى قولداۋ كورسەتتى.