قازاقستاننىڭ تۇڭعىش پرەزيدەنتى نوۆاك دجوكوۆيچ پەن رافاەل نادال اراسىندا وتكەن قايىرىمدىلىق تەننيس ماتچىنا باردى. بۇل تۋرالى اقوردانىڭ ءباسپاسوز قىزمەتى حابارلادى.
ويىن الدىندا ەلباسى الەمدىك تەننيستىڭ مايتالماندارى نوۆاك دجوكوۆيچ جانە رافاەل نادالمەن كەزدەستى.
اڭگىمە بارىسىندا نۇرسۇلتان نازارباەۆ ويىننىڭ جارقىن جانە تارتىستى وتۋىنە تىلەكتەستىك ءبىلدىردى.
-قازاقستاندىقتار پلانەتانىڭ ۇزدىك تەننيسشىلەرىن كورگەندەرىنە وتە قۋانىشتى. مەن سىزدەردىڭ ويىندارىڭىزدى ۇنەمى قارايمىن. سىزدەر سپورتتا ۇلكەن جەتىستىكتەرگە جەتتىڭىزدەر, - دەدى قازاقستاننىڭ تۇڭعىش پرەزيدەنتى.
كەزدەسۋ بارىسىندا ەلباسى تەننيسشىلەرگە زور دەنساۋلىق تىلەپ, رافاەل نادالدى جاقىندا شاڭىراق كوتەرۋىمەن قۇتتىقتادى.
قايىرىمدىلىق ماتچ ناتيجەسىندە جينالعان قاراجات وڭىرلەردە تەننيس ينفراقۇرىلىمىن دامىتۋعا باعىتتالادى.