«كولەسا» پورتالى جەڭىلدەتىلگەن اۆتونەسيەنىڭ ارقاسىندا وتاندىق اۆتوكولىك ساۋداسى 123 پايىزعا ارتقانىن حابارلادى.
پورتالدىڭ مالىمەتىنشە, نەسيەلەۋ باستالعان ءبىر ايدىڭ ىشىندە مىڭداعان قازاقستاندىق كولىك ساتىپ الدى. ال نەسيەلەۋ بويىنشا كولىككە يە بولعانداردىڭ سانى ءبىر ايدىڭ ىشىندە 1 020-عا جەتتى. «قىركۇيەك ايىندا تامىز ايىمەن سالىستىرعاندا ساتىلىم كولەمى 123پايىزعا ارتتى قىركۇيەك ايىندا Made in Kazakhstan تاقتايشالارى قويىلعان اۆتوكولىكتەردىڭ 2 611 بىرلىگى ساتىلدى.
ال تامىز ايىنداعى كورسەتكىش 1 168 بولعان ەدى", - دەلىنگەن پورتالدىڭ جاريالانىمىندا.
ايتا كەتەيىك, حالىق اراسىندا ەڭ كوپ سۇرانىسقا يە بولعان مودەلدەردىڭ اراسىندا سەدان Hyundai Elantra كوشباستاپ تۇر.ودان كەيىنگى ورىنعا كلاسسيكالىق "نيۆا", Skoda Rapid پەن Kia جانە وزگە دە مودەلدەردىڭ كروسسوۆەرلەرى جايعاستى.
ەسكە سالا كەتەيىك, جەڭىلدەتىلگەن 2015 جىلدىڭ 20 ساۋىرىنەن باستاپ بەرىلە باستادى. جەڭىلدەتىلگەن اۆتونەسيە باعدارلاماسى باعاسى 5,6 ميلليون تەڭگەگە دەيىنگى قازاقستاندىق اۆتوموبيلدەرگە ارنالعان. جەڭىلدەتىلگەن اۆتونەسيە بويىنشا جىلدىق پايىزدىق مولشەرلەمە 4 پايىزعا تەڭ, ءتيىمدى جىلدىق مولشەرلەمە - 7,5 پايىز. الدىن الا تولەم سوماسى - 20 پايىزعا دەيىن. نەسيە مەرزىمى - 5 جىلعا دەيىن. قولداعى بار مالىمەت تاعى جاڭاردى:قازاقستاننىڭ دامۋ بانكى ۇلتتىق بانكتىڭ باعدارلاماسى بويىنشا جەڭىلدەتىلگەن اۆتوكولىك نەسيەسىنە 20 ملرد. تەڭگە ءبولدى.
«قدب وبليگاتسيالار شىعارۋ ءۇشىن قازاقستاننىڭ تۇراقتىلىق قورىنان (ۇلتتىق بانكتىڭ ەنشىلەس ۇيىمى) قارىز الدى. ساتىپ الۋشىلارعا نەسيە بەرۋ ۇلتتىق بانكتىڭ باسقارماسىنىڭ 2019 جىلعى 31 مامىرداعى قاۋلىسىمەن بەكىتىلگەن وتاندىق وندىرىستەگى جەڭىل اۆتوموبيلدەردى ساتىپ الۋشىلارعا نەسيە بەرۋ باعدارلاماسى بويىنشا جۇزەگە اسىرىلادى », - دەلىنگەن كومپانيانىڭ حابارلاماسىندا.
14,5 ميلليارد تەڭگەنىڭ العاشقى ترانشى حالىق بانكىنە (4 ميلليارد تەڭگە), سبەربانككە (7,5 ميلليارد تەڭگە), ۆتب بانكىنە (3 ميلليارد تەڭگە) جىبەرىلدى. 5,5 ملرد.
تەڭگەنىڭ قالعان بولىگى ەكىنشى دەڭگەيلى بانكتەرگە جىبەرىلىپ, وسى جىلدىڭ سوڭىنا دەيىن يگەرىلەتىن بولادى.
«بارلىق ترانشتار مەن وزگەرمەلى تولەمدەردى ەسكەرە وتىرىپ, 2015 جىلدان باستاپ 5,9 مىڭعا جۋىق قازاقستاندىققا 71,7 ملرد. تەڭگەنىڭ جەڭىلدەتىلگەن اۆتوموبيل نەسيەلەرى بەرىلدى.
جاڭا باعدارلاما ودان دا كوپ قازاقستاندىقتارعا وتاندىق جيناقتىڭ جاڭا اۆتوكولىكتەرىن جەڭىلدىكتى شارتتارمەن ساتىپ الۋعا مۇمكىندىك بەرەدى. بۇل تۇتىنۋشىلار ءۇشىن دە, اۆتوموبيل وندىرۋشىلەر ءۇشىن دە ءتيىمدى », - دەدى « قازاقستاننىڭ دامۋ بانكى» اق باسقارۋشى ديرەكتورى داستان احمەتوۆ,
قدب وپەراتور رەتىندە وسى بانكتەردىڭ قاراجاتتى يگەرىلۋىنە تۇراقتى مونيتورينگ جۇرگىزەدى.
جاڭا باعدارلاما بويىنشا نەسيە بەرۋ شارتتارى جەڭىلدەتىلگەن اۆتوكرەديتتەردىڭ قولدانىستاعى باعدارلاماسىنىڭ ولشەمدەرىنە ۇقساس:
نومينالدى سىياقى مولشەرلەمەسى - جىلىنا 4 پايىزدان اسپايدى, نەسيە مەرزىمى - 7 جىلدان اسپايدى, نەسيە ۆاليۋتاسى - تەڭگە, ءبىر ءاۆتوموبيلدىڭ قۇنى - 15 ميلليون تەڭگەدەن اسپايدى.
بۇل جولى 6 اۆتوموبيل مودەلى ۇسىنىلعان: Kia, Chevrolet, Skoda, Hyundai, LADA, UAZ, JAC, Peugeot, Ravon.
بۇل سوماعا 2800 اۆتوكولىككە نەسيە الۋعا بولاتىندىعى ايتىلادى. اۆتونەسيە قازاقستان تۇرعىندارىنا قول جەتىمدى.
مامىر ايىندا بانكتەرگە اۆتوكرەديت الۋعا جىبەرىلگەن 8 ميلليارد تەڭگە تۋرالى قوسىمشا حابارلاندى.
اۆتونەسيەنى قازاقستاندىقتار ەكىنشى دەڭگەيلى بانكتەردەن الادى. قاراجات وعان قازاقستاننىڭ دامۋ بانكىنەن تۇسەدى.
ال قازاقستان دامۋ بانكى قارجىنى قازاقستاندىق تۇراقتىلىق قورىنان قارىزعا الادى. بۇل ۇيىم ۇلتتىق بانكتىڭ ەنشىلەس ۇيىمى.
دامۋ بانكى اقشانى تۇراقتىلىق قورىنان 2019-2023 جىلداردا جىل سايىن 20 ملرد تەڭگەگە دەيىن وبليگاتسيالار شىعارۋ ەسەبىنەن الىپ وتىرادى. بۇل قارجى قارىز تەڭگە تۇرىندە جىلدىق 0,15% مولشەرلەمەمەن تارتىلادى.
اقشانى العاننان كەيىن دامۋ بانكى وتاندىق اۆتووندىرۋشىلەر ءتىزىمى مەن ولارعا بەلگىلەنگەن شەكتى سومانى انىقتايدى. اۆتونەسيەلەۋدىڭ ۇكىمەتتىك باعدارلاماسى بويىنشا وندىرۋشىلەر ەكەۋ: "سارىارقااۆتوپروم"جانە "ازيا اۆتو".
2019 جىلعى ترانش بويىنشا شەكتى باعا 8 ملرد تەڭگە, ولار ونى ءوزارا بىردەي ءبولىپ الدى.
سونىمەن بىرگە دامۋ بانكى جاڭا باعدارلاماعا قاتىسا الاتىن كوممەرتسيالىق بانكتەردىڭ ءتىزىمىن انىقتايدى. جەڭىلدەتىلگەن اۆتونەسيەلەۋ باعدارلاماسى بويىنشا سوڭعى ترانش اياسىندا اقشانى كەلەسى 5 بانك ءبولىپ الدى: قازاقستاندىق سبەربانك, تسەنتركرەديت بانكى, ەۋرازيالىق بانكى, سونداي-اق حالىق بانكى مەن قازاقستان ۆتب بانكى.
تاڭدالعان بانكتەر باعدارلاما بويىنشا وپەراتسيالارعا ۇلتتىق بانكتەن ارنايى شوت اشىپ, دامۋ بانكىمەن جىلدىق 1%-دان كوپ ەمەس مولشەرلەمە بويىنشا 20 جىل مەرزىمگە دەيىن بانكتىك قارىز كەلىسىم-شارتىن جاساسادى. بانكتەر دامۋ بانكىنىڭ الدىندا قارىزدى پايدالانۋ تۋرالى ەسەپ بەرىپ وتىرادى..