بىرىككەن اراب امىرلىكتەرىنىڭ ء(باا) فۋدجەيرا قالاسىندا بوكستان جاستار اراسىندا ءوتىپ جاتقان ازيا بىرىنشىلىگىندە قازاقستان قۇراماسى تابىستى ونەر كورسەتۋدە.
پارسى شىعاناعىنا ساپار شەككەن جەرلەستەرىمىزدىڭ ونەرىنە بارشا جانكۇيەرلەر تامسانۋدا. ولاي دەۋگە نەگىز, ەلىمىزدىڭ جاستار قۇراما كومانداسىنىڭ مۇشەلەرى جارىستىڭ العاشقى كۇنىنەن باستاپ, بارلىق قارسىلاستارىن قوعاداي جاپىرىپ كەلەدى. ناتيجەسىندە سەگىز بىردەي سايىپقىرانىمىز ەرتەڭ وتەتىن جارتىلاي فينالدىق سايىستا كۇش سىناسۋ قۇرمەتىنە بولەنىپ وتىر.
اتاپ ايتساق, رۋسلان كۇزەۋباەۆ (52 كيلو), نۇرسۇلتان التىنبەك (54 كيلو), سۇلتان باباحانوۆ (66 كيلو) جانە ديار رومان (+80 كيلو) وزبەكستاننىڭ ورەندەرىمەن كۇش سىناسسسا, ابدۋلا پاتيەۆ (50 كيلو) پەن ابزال سەرىك (60 كيلو) ءۇندىستاننىڭ وكىلدەرىمەن شەبەرلىك بايقاسادى. ال ەراسىل ەرمەك (57 كيلو) پەن ءمادي ءامىروۆ (80 كيلو) قىتاي جانە قىرعىزستاننىڭ بوكسشىلارىمەن قولعاپ تۇيىستىرەدى.
سونداي-اق ايتۋلى جارىستا ەلىمىزدىڭ قىزدار قۇراماسى دا وزدەرىن وتە جاقسى قىرىنان كورسەتۋدە. ءباا-نە اتتانعان 13 بويجەتكەننىڭ تەك ەكەۋى عانا ورتا جولدا ءسۇرىندى. ال قالعان 11 سپورتشىمىز ەرتەڭ جارتىلاي فينالدا جۇدىرىقتاسادى.