ۇكىمەت دەلەگاتسياسى اق جايىق وڭىرىندە

وبلىستىڭ اقجايىق, بايتەرەك, تەرەكتى اۋداندارىنىڭ ءتۇرلى ەڭبەك ۇجىمدارىن ارالاپ, حالىقپەن جۇزدەسكەن ۇكىمەت دەلەگاتسياسى وڭىردە مەملەكەتتىك باعدارلامالار مەن پرەزيدەنت تاپسىرماسى قالاي ورىندالىپ جاتقانىنا نازار اۋداردى.

بايتەرەك اۋدانىنىڭ داريان اۋىلىندا بولعان پرەمەر-ءمينيسترىنىڭ ورىنباسارى بەردىبەك ساپارباەۆ اۋىلداعى ارناۋلى əلەۋمەتتىك كورسەتۋ ورتالىعىمەن تانىستى. ودان كەيىن مəدەنيەت ۇيىندە مەملەكەت باسشىسىنىڭ «سىندارلى قوعامدىق ديالوگ - قازاقستاننىڭ تۇراقتىلىعى مەن وركەندەۋىنىڭ نەگىزى» تاقىرىبىندا جاريالانعان جولداۋى اياسىندا جيىن ءوتتى. تۇرعىندارمەن كەزدەسۋدە قر ەڭبەك جəنە حالىقتى əلەۋمەتتىك قورعاۋ ءمينيسترى ءبىرجان نۇرىمبەتوۆ اƏك جايىندا كەڭىرەك ءتۇسىندىرىپ بەردى. بۇگىندە ەلىمىزدە 400 مىڭنان استام وتباسى – 2 ميلليونداي ادام جاڭا ۇلگىدەگى اتاۋلى əلەۋمەتتىك كومەك الىپ جاتىر ەكەن.

- اتاۋلى الەۋمەتتىك كومەك تولەنەتىن 1 ملن. 300 مىڭ بالانىڭ 60 پايىزى - كوپ بالالى وتباسىلارعا تيەسىلى. ياعني وسى ساناتتاعى وتباسىلار مۇقتاج بولىپ وتىر. كەلەسى جىلى تابىس كولەمىنە قاراماي 4 نەمەسە ودان دا كوپ بالاسى بار وتباسىلارعا اƏك تاعايىندايمىز. Əر بالاعا 11 مىڭ تەڭگەدەن تولەنەدى. كىرىسى از وتباسىلاردىڭ بالالارىنا كەپىلدەندىرىلگەن كومەك بەرىلەدى. Əلەۋمەتتىك پاكەتتە تاماعى, كيىم-كەشەك, گيگيەنالىق قۇرالدار قامتىلادى. كەپىلدەندىرىلگەن كومەك əلەۋمەتتىك كارتا – سەرتيفيكات ارقىلى بەرىلەدى, - دەدى ب.ساپارباەۆ.

پرەمەر-ءمينيستردىڭ ورىنباراسى ەلىمىزدە ەكونوميكالىق قيىندىقتارعا قاراماستان حالىقتىڭ əل-اۋقاتىن ارتتىرۋعا كوڭىل ءبولىنىپ جاتقانىن باسا ايتتى. بيىلعى بيۋدجەت قاراجاتىنىڭ 40 پايىزى əلەۋمەتتىك سالاعا باعىتتالعان.

اقجايىق اۋدانىنىڭ ورتالىعى چاپاەۆ اۋىلىندا اۋدان دارىگەرلەرىمەن كەزدەسكەن دەنساۋلىق ساقتاۋ ءمينيسترى ەلجان ءبىرتانوۆ تا ەلىمىزدە مەديتسينا سالاسىن دامىتۋعا كوپ كوڭىل ءبولىنىپ جاتقانىن ايتتى. اسىرەسە جاس مامانداردىڭ تۇرعىن ۇيمەن قامتاماسىز ەتىلۋى باستى نازاردا. مينيستر اۋىلعا كەلگەن مەديكتەر ەڭ الدىمەن باسپاناعا يە بولۋى قاجەت دەدى. اۋدان ورتالىعىنداعى ەمحانا مەن اۋرۋحانانىڭ ۇجىمىمەن جۇزدەسكەن مينيستر مەديتسينا سالاسىن تسيفرلاندىرۋ, ەمدەلۋشىلەردىڭ الەۋمەتتىك مەديتسينالىق ساقتاندىرۋ جۇيەسىندە ستاتۋسىن ايقىنداۋدى اۆتوماتتاندىرۋ بارىسىن تەكسەردى. سونىمەن بىرگە كادر جەتىسپەۋشىلىگى, بولاشاق ماماندار, ياعني مەديتسينالىق جوعارى وقۋ ورىندارىنىڭ ستۋدەنتتەرىمەن بۇگىننەن باستاپ, بايلانىس ورناتۋ جونىندە تاپسىرما بەردى.

پرەمەر-ءمينيستردىڭ ورىنباسارى بەردىبەك ساپارباەۆ پەن دەنساۋلىق ساقتاۋ ءمينيسترى ەلجان ءبىرتانوۆ باتىس قازاقستان وبلىستىق بالالار اۋرۋحاناسىندا دا جەرگىلىكتى دارىگەرلەرمەن كەزدەستى. بۇل جەردە اڭگىمە تاقىرىبى مىندەتتى الەۋمەتتىك مەديتسينالىق ساقتاندىرۋ جۇيەسىن دامىتۋ تۋراسندا ءوربىدى.

ال تەرەكتى اۋدانىنداعى ءبىلىم مەكەمەلەرىنىڭ جۇمىس بارىسىمەن تانىسقان قر ءبىلىم جانە عىلىم ۆيتسە-ءمينيسترى شولپان كارينوۆا ءۇش اۋىسىمدا ءبىلىم بەرەتىن پودستەپنىي قازاق مەكتەبىنىڭ جاعدايىن كوزىمەن كوردى.

ورال قالاسىندا بەلسەندى جاستارمەن جۇزدەسكەن قازاقستان رەسپۋبليكاسى پرەمەر-ءمينيسترىنىڭ ورىنباسارى بەردىبەك ساپارباەۆ مەملەكەت تاراپىنان جاستارعا قامقورلىق جۇيەلى جالعاساتىنىن ايتتى.

- «جاس كەلسە – ىسكە» دەگەن. سىزدەردىڭ بويىڭىزدا ءتۇرلى يدەيا ۇنەمى قايناپ تۇرادى. الدا ەرىكتىلەر جىلى كەلە جاتىر. ەرىكتىلەردىڭ كوپ بولىگى – جاستار. ءتۇرلى قايىرىمدىلىق شارالاردىڭ باسىندا جاستار جۇرەدى دەپ سەنەمىن. مەملەكەتتىك باعدارلامالار كومەگىن ءتيىمدى پايدالانىپ, جاڭا كəسىپ باستاڭىزدار. جاستار ساياساتىن دامىتۋعا باعىتتالعان ۇسىنىستاردى ءبىز ءاردايىم قولدايمىز, - دەدى بەردىبەك ساپارباەۆ.

ەلىمىزدىڭ مادەنيەت جانە سپورت ۆيتسە-ءمينيسترى نۇرعيسا داۋەشوۆ قادىر مىرزا ءالي اتىنداعى مادەنيەت جانە ونەر ورتالىعىندا بولدى. اقىن اتىنداعى ادەبي-مەموريالدىق كابينەتتى ارالاپ, ءبىرتۋار قالامگەردىڭ مۇرالارىمەن قاتار جەرگىلىكتى اقىن-جازۋشىلار تۋرالى دەرەكتەرمەن, ت.ب. جادىگەرلەرمەن تانىسقان ۆيتسە-مينيستر ورتالىقتاعى جازۋشىلار, كومپوزيتورلار وداعىنىڭ فيليالدارىن, وقىرماندار ءۇشىن تۇراقتى جۇمىس جاسايتىن قالالىق كىتاپحانا بولىمشەسىن, ج.نابيۋللين اتىنداعى وقىرمان بولمەسىن, جاقىندا جاساقتالعان كۇيشىلەر بولمەسىن جانە ادەبي-مادەني ءىس-شارالار ۇيىمداستىرىلاتىن ورىنداردى دا ارالادى.

وسى جەردە قازاقستان رەسپۋبليكاسى كۇيشىلەر وداعى بقو فيليالىنىڭ توراعاسى اسقار كەنجەعاليەۆ مينيسترلىك تاراپىنان «حالىق كۇيشىسى» مەملەكەتتىك اتاعى, قۇرمانعازى, دينا اتىنداعى توسبەلگىسى بەكىتىلىپ, وسى ونەر مايتالماندارىنا بەرىلۋىن ۇسىندى. سونداي-اق ورال قالاسىندا قۇرمانعازى مۋزەي-ورتالىعىن جانە الىپ دومبىرا مونۋمەنتىن تۇرعىزۋدى, ورال قالاسىندا باتىس ايماقتىق-رەسپۋبليكالىق مۋزىكالىق مەكتەپ-ينتەرنات كەشەنىن اشۋدى ۇسىندى.

اق جايىق وڭىرىنەن شىققان تانىمال تۇلعالاردى ۇلىقتاۋ تۋرالى ۇسىنىستى بەلگىلى اقىن, قادىر مىرزا ءالي اتىنداعى مادەنيەت جانە ونەر ورتالىعىنىڭ باسشىسى باۋىرجان حاليوللا دا ايتتى. كەلەر جىلى 100 جىلدىعى اتاپ وتىلەتىن اقىن جۇبان مولداعاليەۆكە الماتى قالاسىندا ەسكەرتكىش ورناتۋدى سۇراعان ۇسىنىستى حالىق قول شاپالاقتاپ قولدادى.

ۇكىمەتتىك دەلەگاتسيانىڭ قورىتىندى جيىنى جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتىندە ءوتتى. وبلىستىڭ ءار وڭىرىندە حالىقپەن جۇزدەسكەن بەردىبەك ساپارباەۆ حالىقتىڭ كوڭىل-كۇيى جامان ەمەستىگىن, مەملەكەتتىك باعدارلامالار مەن ەلباسى تاپسىرماسى رەتىمەن جۇرگىزىلىپ جاتقانىن ايتتى. مەملەكەت تاراپىنان حالىقتىڭ ءال-اۋقاتىن كوتەرۋگە باعىتتالعان شارالار كەشەنى تۋرالى ءتۇسىندىرىپ بەردى.

- ەلباسىمىزدىڭ «الدىمەن ەكونوميكا, سونان سوڭ ساياسات» دەگەن ۇستانىمىن جاقسى بىلەسىزدەر. قازاقستاننىڭ ەكونوميكاسى جۇيەلى دامىپ كەلەدى. بيىل ەل ەكونوميكاسىنىڭ دامۋ دەڭگەيى – 4,1% بولدى. پرەزيدەنت قاسىم-جومارت توقاەۆ بۇل كورسەتكىشتى 5 پايىزعا جەتكىزۋدى تاپسىردى. وسى ەل تابىسىنىڭ نەگىزگى بولىگى حالىقتى الەۋمەتتىك قورعاۋعا, ءال-اۋقاتىن جاقسارتۋعا جۇمسالادى, - دەدى بەردىبەك ساپارباەۆ.

ۆيتسە-پرەمەر قازاقستاندا دارىندى بالالاردى, اسىرەسە اۋىل وقۋشىلارىن قولداۋعا ەرەكشە كوڭىل بولىنەتىنىن ايتتى. قازاقستان رەسپۋبليكاسىنىڭ تۇڭعىش پرەزيدەنت قورى مەن ۇكىمەت بەرلەسىپ «ەل ءۇمىتى» اتتى جوبانى ىسكە قوسپاق. «بۇل ارقىلى مىڭداعان دارىندى بالاعا قولداۋ كورسەتەمىز» دەدى ب.ساپارباەۆ.

ۇكىمەت دەلەگاتسياسىنىڭ جەرگىلىكتى زيالى قاۋىم وكىلدەرىمەن كەزدەسۋىندە باتىس قازاقستان وبلىستىق انالار كەڭەسىنىڭ ءتورايىمى شالقىما قۇرمانالينا, اقىن باۋىرجان حاليوللا, جۋرناليست جانار داۋلەتوۆا ءسوز الىپ, ءتۇرلى ۇسىنىس-پىكىرلەرىن ورتاعا سالدى. پرەمەر-ءمينيستردىڭ ورىنباسارى مەملەكەتتىك باعدارلامالاردى قۇرۋدا, جۇزەگە اسىرۋدا حالىق اراسىنان ايتىلعان وسىنداي ۇسىنىستاردىڭ ەسكەرىلەتىنىن ايتتى.

 سۋرەتتى تۇسىرگەن رافحات حالەلوۆ

 باتىس قازاقستان