بىرلەسكەن ءىس-شارالار بارىسىندا قاراساي اۋدانى بويىنشا مكب قىزمەتكەرلەرى جانە وبلىس مكد جانە دەر قىزمەتكەرلەرى مۇناي ونىمدەرىن زاڭسىز تاسىمالداۋ مەن اينالىمىنىڭ جولىن كەسۋ ماقساتىندا قاراساي اۋدانىنىڭ اۋماعىندا رەيدتىك ءىس-شارالار جۇرگىزدى. بۇل تۋرالى مەملەكەتتىك كىرىستەر كوميتەتىنىڭ ءباسپاسوز قىزمەتى حابارلادى.
تەكسەرۋدىڭ ناتيجەسىندە قاراساي اۋدانىنىڭ كوكساي اۋىلىندا جالپى سوماسى 1 266 300 تەڭگەگە 13,5 توننا ديزەل وتىنىن ىلەسپە قۇجاتسىز تاسىمالداعان تىركەمەسى بار زيل ماركالى اۆتوكولىگى ۇستالدى.
قازىرگى ۋاقىتتا اكىمشىلىك زاڭناماعا سايكەس كىنالى تۇلعالاردى جاۋاپكەرشىلىككە تارتۋ ماسەلەسى شەشىلۋدە, اكىمشىلىك قۇقىق بۇزۋشىلىق تۋرالى حاتتاما جاسالىپ, ماتەريالدار قاراساي اۋدانىنىڭ مامانداندىرىلعان اۋدانارالىق اكىمشىلىك سوتىنا بەرىلدى.