سەنات توراعاسى داريعا نازارباەۆانىڭ توراعالىق ەتۋىمەن وتكەن جۇمىس وتىرىسىندا الەمدىك جانە ءداستۇرلى دىندەر ليدەرلەرى سەزى XVIII حاتشىلىعىنىڭ قورىتىندىسى ناقتىلاندى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.
وتىرىسقا پارلامەنت سەناتىنىڭ اپپاراتى, اقپارات جانە قوعامدىق دامۋ, سىرتقى ىستەر مينيسترلىكتەرىنىڭ, نۇر-سۇلتان قالاسى اكىمدىگىنىڭ باسشىلارى قاتىستى.
پارلامەنت سەناتىنىڭ توراعاسى, سەزد حاتشىلىعىنىڭ باسشىسى داريعا نازارباەۆا حاتشىلىق شەشىمىمەن قابىلدانعان باستى قاعيداتتاردى الەمگە كەشەندى تۇردە جەتكىزۋ قاجەتتىلىگىنە باسا نازار اۋداردى. سونىمەن بىرگە 2020 جىلعا جوسپارلانعان حاتشىلىق وتىرىسىنىڭ جانە 2021 جىلعا جوسپارلانعان الەمدىك جانە ءداستۇرلى دىندەر ليدەرلەرىنىڭ VII سەزىنىڭ باعدارلاماسى مەن قۇجاتتارىن ازىرلەۋگە كىرىسۋدى تاپسىردى.
وتىرىسقا قاتىسۋشىلار سەزد ارالىعىنداعى كەزەڭدەگى ۇلتتىق جانە حالىقارالىق ءىس-شارالاردىڭ كەشەنىن جانە «ن.نازارباەۆ اتىنداعى كونفەسسياارالىق جانە وركەنيەتارالىق ۇنقاتىسۋدى دامىتۋ ورتالىعى» كوممەرتسيالىق ەمەس قوعامدىق ۇيىمىنىڭ قىزمەتىن ودان ءارى جەتىلدىرۋ ماسەلەلەرىن جان-جاقتى تالقىلادى.