اتموسفەرالىق اۋانىڭ اعىمداعى جاعدايى تۋرالى اقپارات ەندى پاۆلودار, ەكىباستۇز, پەتروپاۆل جانە اقتاۋ قالالارىنىڭ Led-ەكراندارىندا قولجەتىمدى بولادى. بۇل تۋرالى ەكولوگيا, گەولوگيا جانە تابيعي رەسۋرستار مينيسترلىگى Facebook پاراقشاسىندا مالىمدەدى.
«ترانسلياتسيالاۋ ءۇشىن مالىمەتتەر «قازگيدرومەت» رمك ايماقتىق فيليالدارىمەن «AirKz» ءموبيلدى قوسىمشاسىنىڭ كومەگىمەن ۇسىنىلىپ, ءار ءۇش ساعات سايىن جاڭارتىلىپ وتىرادى. بۇل جوبا «قازگيدرومەت» رمك, وبلىستىق اكىمدىكتەر مەن Led-ەكراندارى بار جەكە مەنشىك ۇيىمداردىڭ قاتىسۋى ارقىلى مۇمكىن بولدى», دەپ جازدى مينيسترلىك.
پاۆلودار قالاسىندا اقپارات ساتپاەۆ-كريۆەنكو, ساتپاەۆ-تورايعىروۆ, كۋتۋزوۆ-ەستاي كوشەلەرىنىڭ قيىلىسىندا, تەمىرجول ۆوكزالى عيماراتىنىڭ ىشىندە, ەكىباستۇز قالاسىندا لەنين كوشەسىندە, اقتاۋ قالاسىندا 4 جانە 14 شاعىن اۋداندارىنداعى ەكرانداردا, پەتروپاۆل قالاسىندا وقۋشىلار سارايىنىڭ ەكرانىندا ترانسلياتسيالانادى.
«كەلەسى ايدا اتموسفەرالىق اۋانىڭ جاي-كۇيى تۋرالى اقپاراتتى اقمولا, قوستاناي, باتىس قازاقستان, شىعىس قازاقستان, الماتى جانە جامبىل وبلىستارىنىڭ Led-ەكراندارىندا شىعارۋ جوسپاردا. 2020 جىلى جوبا اقتوبە, اتىراۋ, قاراعاندى جانە قىزىلوردا وبلىستارىندا, سونداي-اق نۇر-سۇلتان, الماتى, شىمكەنت قالالارىندا ىسكە اسادى», دەلىنگەن حابارلامادا.