فرانتسيانىڭ بۇرىنعى پرەزيدەنتى جاك شيراك قايتىس بولدى دەپ حابارلايدى ريا نوۆوستي.
"پرەزيدەنت جاك شيراك بۇگىن تاڭعى ۋاقىتتا وتباسىنىڭ اينالاسىندا قايتىس بولدى. بارلىعى تىنىش ءوتتى" دەپ جازادى فرانس پرەسس شيراكتىڭ كۇيەۋ بالاسى فرەدەريك سالا-بارۋدىڭ ءسوزىن كەلتىرىپ.
ونىڭ جاسى 86-دا ەدى. جاك شيراك 1995-2007 جىلدارى فرانتسيا پرەزيدەنتى بولدى.
1977-1995 جىلدارى ارالىعىندا پاريج قالاسىنىڭ مەرى قىزمەتىن اتقاردى. بۇرىندارى ەلدىڭ پرەمەر-ءمينيسترى بولدى.
2007 جىلى 16 مامىردا جاك شيراك پرەزيدەنتتىڭ وكىلەتتىگىن دوعارىپ, ەليسەي سارايىن تاستاپ كەتتى. وسى ساتتەن باستاپ ول فرانتسيانىڭ كونستيتۋتسيالىق كەڭەسىنىڭ مۇشەسى بولدى.
2011 جىلى 15 جەلتوقساندا قىزمەتتىك وكىلەتتىگىن اسىرا پايدالانعانى جانە ىسىراپ ەتكەنى ءۇشىن شارتتى تۇردە ەكى جىلعا سوتتالدى.