پرەزيدەنت قاسىم-جومارت توقاەۆ قازاقستان رەسپۋبليكاسىنىڭ حالقىنا ارناعان ءوزىنىڭ العاشقى جولداۋىن جاريالادى. «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» تاقىرىبىمەن ۇسىنىلعان قۇجاتتا پرەزيدەنتتىڭ مەملەكەتتىڭ قوعامدىق دامۋىنا جاس ازاماتتاردى كوپتەپ تارتۋعا ەرەكشە ءمان بەرۋى, ولاردىڭ بەلسەندىلىگىن ارتتىرۋعا باعىتتالعان جاستار ساياساتىنىڭ جاڭا قاعيداتتارىن نىعايتۋعا كۇش سالۋى – مەملەكەتتىڭ بولاشاق مىقتى ىرگەتاسىن قالاۋعا ىقپالى زور.
جولداۋدا ايتىلعان الەۋمەتتىك جانە ەتنوستىق توپتار اراسىنداعى قوعامدىق كەلىسىمدى نىعايتۋ, قازاق ءتىلىنىڭ مەملەكەتتىك ءتىل رەتىندەگى ءرولىن كۇشەيتۋ, ەتنوسارالىق تاتۋلىق پەن دىنارالىق كەلىسىمدى تۇراقتاندىرۋ سياقتى ماسەلەلەردىڭ ماڭىزدىلىعىن جانە زاماناۋيلىعىن باسا ايتۋ قاجەت.
رەتى كەلىپ تۇرعاندا ايتا كەتەيىن, قازاقستاندا مەملەكەتتىك ورگانداردىڭ ەتنومادەني بىرلەستىكتەرمەن ءوزارا ءتيىمدى قاتىناس جۇيەسىن قۇرۋعا, ەتنوسارالىق جانە كونفەسسياارالىق كەلىسىمدى نىعايتۋعا, ءتۇرلى ەتنوستار تىلدەرىندەگى ءبىلىم بەرۋ سالاسىن جەتىلدىرۋگە باعىتتالعان بىرقاتار ماڭىزدى جوبالار ىسكە اسىرىلۋدا. بۇل ەلدەگى تۇراقتىلىق پەن ورنىقتى دامۋدى ودان ءارى ىلگەرىلەتۋدە وتە ماڭىزدى.
لامبەرتو زانەر,ەقىۇ از ۇلتتار ىستەرى جونىندەگى جوعارعى كوميسسارى